Kryeministri i Malajzisë, Anwar Ibrahim, ka shtruar drekë zyrtare për presidenten e Republikës së Kosovës, Vjosa Osmani, në kompleksin qeveritar Seri Perdana në Putrajaya.
Përmes një shkrimi në ‘Facebook’, presidentja Osmani ka shkruar se kryeministri Anwar Ibrahim ka organizuar një mikpritje e jashtëzakonshme gjatë drekës zyrtare në kompleksin qeveritar Seri Perdana në Putrajaya.
“Elementet e pasura të kulturës malajziane — nga produktet tradicionale e deri tek vallet plot ngjyra — të ndërthurura mjeshtërisht me tingujt e muzikës së bukur shqipe, e bënë këtë drekë zyrtare edhe më të veçantë. Faleminderit Malajzi!”, ka shkruar Osmani.
