Gjykata Penale e Shkupit e ka vlerësuar pozitivisht aktakuzën kundër ish gjyqtarit të Apelit Gjoko Ristov i cili akuzohet për veprat penale fshehje të pasurisë dhe pastrim parash, pasi në shtëpinë e prindërve të tij u gjetën 350 mijë euro të fshehura në një bunker special në mur. Lënda i është caktuar gjyqtares Biljana Kocevska, e cila gjithashtu është gjyqtare në lëndën “Softuerët” kundër ish sekretarit të Qeverisë Dragi Rashkovski. Nga Gjykata njoftojnë se në periudhën në vazhdim do të caktohen edhe terminët e gjykimit.
