Policia e Fierit ka proceduar në gjendje të lirë një 52-vjeçar nga Zharrëzi i Fierit. Bëhet fjalë për rastin që para disa ditësh bëri xhiron në rrjetet sociale ku shfaqej një luan që kafshonte një qytetar në Shqipëri. Ky i fundit donte të pozonte me të.
Policia thotë se nisi menjëherë hetimet dhe identifikoi 52-vjeçarin nga Zharrëzi si pronar të kafshës së egër. Hetimi në gjendje të lirë për të nisi pasi 52-vjeçari dyshohet të ketë shkelur ligjin për karantinën e bimëve dhe kafshëve.
