Një gjykatë federale tani ka pezulluar përkohësisht urdhrin ekzekutiv të presidentit amerikan, Donald Trump, i cili synonte të eliminonte shtetësinë amerikane për fëmijët që lindin në SHBA, nëse prindërit nuk janë shtetas apo rezidentë të ligjshëm permanentë.
Vendimi erdhi pas iniciativës së katër shteteve – Arizona, Illinois, Oregon dhe Washington – që e paditën në Gjykatën e Qarkut të Qarkut Perëndimor të Washingtonit në Seattle.
Gjykatësi John Coughenour e cilësoi urdhrin “qartë të paligjshëm dhe anti-kushtetues”, raporton reuters.
Më parë, një tjetër gjykatë në Maryland, përmes gjykatëse Deborah Boardman, kishte bllokuar urdhrin duke e cilësuar atë si shkelje e Klauzolës së 14-të të Amendamentit dhe praktikës së gjatë juridike mbi shtetësinë përmes lindjes.
Përgatitur menjëherë pasi Trump arriti në Shtëpinë e Bardhë më 20 janar, urdhri ekzekutiv synonte ta aktivizonte këtë masë nga 19 shkurti, duke e hequr automatizmin e shtetësisë për foshnjat me të dy prindërit pa dokumente të vlefshme të qëndrimit në SHBA .
Ky vendim do të mbetet në fuqi derisa të vendoset përfundimisht në gjykatat federale – dhe me shumë gjasa edhe në Gjykatën e Lartë – duke hapur rrugën për një betejë ligjore me ndikim të gjerë për fatin e shtetësisë në SHBA.
