Ekipet e shpëtimit kontrolluan brigjet e lumenjve të shkatërruar dhe përmbysën mbeturinat në kërkim të atyre që ende rezultojnë të zhdukur pas përmbytjeve që përfshinë Teksasin një ditë më parë, duke vrarë të paktën 51 persona – përfshirë 15 fëmijë.
Një ditë e gjysmë pas përmbytjeve, autoritetet ende nuk kanë thënë se sa njerëz janë të zhdukur përtej 27 fëmijëve nga Kampi Mystic, një kamp veror i krishterë.
Shumica e të vdekurve u gjetën aty pranë.
Lumi Guadalupe u rrit me më shumë se tetë metra në vetëm 45 minuta të premten, duke shkatërruar shtëpi, kampe dhe automjete.
Fatkeqësia u zhvillua ndërsa shirat e rrëmbyeshëm vazhduan në të gjithë Teksasin gjatë fundjavës, duke shkaktuar më shumë paralajmërime për përmbytje të menjëhershme.
Operacionet e kërkim-shpëtimit u intensifikuan të shtunën, me helikopterë, anije dhe dronë të vendosur për të rikuperuar banorët e bllokuar dhe për të gjetur të zhdukurit.
“Ne do t’i gjejmë të gjithë”, tha Guvernatori Greg Abbott.
Sherifi i Qarkut Kerr, Larry Leitha, konfirmoi 32 viktima në rajonin Hill Country: 18 të rritur dhe 14 fëmijë.
Vdekje të tjera u raportuan në Qarkun Travis dhe Qarkun Burnet.
Autoritetet tani janë vënë nën shqyrtim nëse u janë lëshuar paralajmërime të duhura kampeve dhe banorëve në një zonë të njohur prej kohësh për përmbytje të rënda.
Ndryshe, përpjekjet e shpëtimit pritet të vazhdojnë gjatë fundjavës, ndërsa autoritetet punojnë për të gjetur të zhdukurit dhe për të vlerësuar shkallën e plotë të dëmit.
