Sekretari britanik i Mbrojtjes, John Healey tha se, përtej bisedimeve të planifikuara mes Trump-it dhe Putinit, Ukraina duhet të përfshihet në përcaktimin e së ardhmes së saj.
“Ukrainasit janë ata që po luftojnë me guxim të madh, si ushtarakët, ashtu edhe civilët. Është në dorën e presidentit Zelenskyy dhe të ukrainasve të përcaktojnë fundin e luftimeve dhe kushtet në të cilat kjo do të ndodhë,” tha Healey në një intervistë për BBC-në.
Ai shtoi se detyra e Britanisë, si aleate bashkë me të tjerët, është të “udhëheqë përpjekjet për intensifikimin e diplomacisë” duke ofruar ndihmë ushtarake dhe duke treguar gatishmëri për të forcuar sanksionet ekonomike ndaj Rusisë.
