NATO do të vendosë sistemin e avancuar turk të mbikëqyrjes ajrore MEROPS në Poloni dhe Rumani, në një kohë kur rritet shqetësimi për shkeljet e hapësirës ajrore nga dronët rusë.
Ky vendim vjen pas 19 shkeljeve të raportuara nga autoritetet polake gjatë natës së 9-10 shtatorit, duke theksuar nevojën për monitorim më të fuqishëm në krahun lindor të NATO-s, shkruan Euractiv.
Sistemi MEROPS, i zhvilluar nga kompania turke e mbrojtjes Aselsan, mund të instalohet në helikopterë dhe dronë dhe ka aftësinë të zbulojë objektet armike edhe përmes reve dhe pluhurit. Ai u prezantua për herë të parë në publik në vitin 2022.
Trajnimi për operimin e sistemit do të nisë së shpejti, me mbështetjen e Ukrainës, që pritet të fillojë javën tjetër. Analistët vlerësojnë se vendosja e MEROPS do të rrisë kapacitetin e paralajmërimit dhe do të përshpejtojë reagimet ndaj kërcënimeve nga dronët, të cilat janë bërë një fenomen i përhershëm në luftën e Rusisë në Ukrainë dhe ndikimet e saj në vendet fqinje.
Ky vendim reflekton gjithashtu një ndryshim më të gjerë brenda strategjisë së NATO-s për mbrojtjen ajrore në Evropën lindore, duke përdorur më shumë sisteme optike mbikëqyrëse si një plotësim ndaj radarëve dhe përgjigjeve tradicionale me avionë luftarakë.
