Rusia sulmoi infrastrukturën kritike të Ukrainës gjatë natës së të premtes, duke synuar të paktën nëntë rajone duke përfshirë kryeqytetin Kiev, thanë autoritetet ukrainase.
Mbrojtja ajrore e Ukrainës rrëzoi 48 nga 53 dronë sulmues të lëshuar nga Rusia dhe të pesë raketat e lundrimit të lëshuara, tha komandanti i Forcave Ajrore, Mykola Oleshchuk në Telegram, raporton CNN.
Ata u qëlluan në rajonet Dnipropetrovsk, Zaporizhzhia, Kirovohrad, Mykolaiv, Kherson, Odesa, Kharkiv, Kiev dhe Khmelnytskyi, tha ai.
Një person vdiq dhe katër u plagosën në sulmet ruse në rajonin lindor të Ukrainës Donetsk, katër të tjerë u plagosën në rajonin Kherson dhe gjashtë të tjerë në Dnipropetrovsk, thanë zyrtarët lokalë.
Në rajonin e Kievit, një zjarr shpërtheu në një objekt industrial, por nuk pati viktima dhe reaguesit po punojnë për të shuar zjarrin, tha kreu i administratës ushtarake të rajonit të Kievit.
