Pavarësisht retorikës sfiduese të kryeministrit izraelit, Benjamin Netanyahu që kur presidenti amerikan, Joe Biden kërcënoi se SHBA do të ndalonte furnizimet me armë për Izraelin, ofensiva e planifikuar në shkallë të plotë në Rafah që nxiti masën duket se është lënë në pritje për momentin.
Megjithatë, Axios tani po raporton se kabineti i luftës i Izraelit ka miratuar një “zgjerim të zonës së operacionit” në Rafah, shkruan skynews.
Gazeta citoi dy burime që thanë se ky ishte një “zgjerim i matur” që nuk e kapërceu vijën e kuqe të presidentit amerikan – megjithëse një burim i tretë tha se veprimi i miratuar përfshin veprime që “mund të interpretohen nga SHBA si kalim i vijës së kuqe të Bidenit”.
