Sekretari i Përgjithshëm i NATO-s, Mark Rutte, ka qëndruar për bizitë në Talin të Estonisë, dhe është takuar me kryeministrin e Estronisë, Kristen Micha.
Në një konferencë për media gjatë vizitës së tij, Rutte ka thënë se Estonia është një aleate e vlerësuar e NATO-s dhe ka qenë tashmë 20 vjet, duke shtuar se ky vendi kontribuon shumë në sigurinë e përbashkët.
“Mirëpres kontributin e rëndësishëm të Estonisë për forcat e gatishmërisë së lartë të NATO-s dhe përpjekjet tuaja për të përmirësuar më tej gatishmërinë. Duke shpenzuar mbi 3% të GDP -së suaj për mbrojtje, Estonia po kryeson vërtet”.
“Dhe e di që keni ndërmend të investoni edhe më shumë në sigurinë tonë të përbashkët në vitet e ardhshme. Investimi më shumë është diçka që të gjithë aleatët duhet të bëjnë, për të përmbushur objektivat tona të aftësisë. Kjo është thelbësore që ne të vazhdojmë të frenojmë dhe të mbrohemi kundër sfidave me të cilat përballemi”, ka thënë Rutte.
Më tutje, ai shtoi se Rusia vazhdon të sulmojë infrastrukturën kritike energjetike të Ukrainës.
“Ne po punojmë gjithashtu shumë për të përmbushur angazhimet e marra në Samitin e Uashingtonit në korrik. Duke përfshirë një Komandë të re për të koordinuar ndihmën dhe trajnimin e sigurisë për Ukrainën, dhe zotimi ynë financiar prej të paktën 40 miliardë euro në 2024.
“Ne diskutuam gjithashtu mënyrat për të forcuar më tej mbrojtjen e NATO-s. Përfshirë hapat për ta bërë këtë rajon më të sigurt”, ka potencuar Rutte.
