Presidenti kinez, Xi Jinping nisi një udhëtim në tre vende të Evropës të dielën.
Prodhuesit evropianë të makinave po humbasin terren ndaj automjeteve elektrike kineze të subvencionuara. Diplomatët shqetësohen për spiunët e dyshuar kinezë në kryeqytetet evropiane. Dhe tregtia e vazhdueshme e mbrojtjes e Kinës me Rusinë shqetëson këdo në Evropë që mbështet Ukrainën e shkatërruar nga lufta dhe ka frikë se ushtria ruse nuk do të ndalet me kaq, raporton AP.
Por Evropa dhe Kina kanë lidhje të forta ekonomike – tregtia BE-Kinë vlerësohet në 2.3 miliardë euro në ditë – dhe Xi duket i vendosur të rindërtojë dhe thellojë marrëdhëniet me liderët evropianë pas një mungese të zgjatur të shkaktuar nga pandemia COVID-19.
Xi filloi të dielën në Francë, presidenti i së cilës dëshiron që Evropa të ketë më shumë pavarësi ekonomike dhe strategjike nga fuqitë e tjera botërore.
Më pas presidenti kinez do të niset për në Serbi dhe Hungari, që të dyja shihen si miqësore me Kinën dhe të afërt me presidentin rus, Vladimir Putin dhe përfitues të investimeve të konsiderueshme kineze.
Udhëtimi i Xi do të monitorohet nga afër në Uashington për shenja të zvogëlimit të mbështetjes evropiane për qëllimet kryesore të politikës së jashtme. Në të njëjtën kohë, ka pasiguri në rritje në Evropë për mbështetjen e ardhshme të ShBA-së për aleatët transatlantikë.
