Autoritetet japoneze kanë lëshuar një paralajmërim për cunami për ishujt e largët të Tokios pas një tërmeti me magnitudë 5.6 nga Shërbimi Gjeologjik i SHBA (USGS).
Bëhet fjalë për ishujt Izu dhe Ogasawara, të cilët mund të goditen nga një cunami deri në një metër, sipas Agjencisë Meteorologjike Japoneze, e cila u bëri thirrje qytetarëve që të largohen urgjentisht nga brigjet.
“Dilni nga deti dhe largohuni shpejt nga zonat bregdetare”, tha agjencia.
Mbi pikën ku përplasen pllakat tektonike, në të ashtuquajturën “Unaza e Zjarrit” në Oqeanin Paqësor, Japonia është ndër vendet më aktive sizmike në botë.
Në arkipelagun me rreth 125 milionë banorë, çdo vit regjistrohen rreth 1500 tërmete, shumica prej të cilëve të vegjël.
