Kina nisi një mision pa ekuipazh në Hënë që synon të mbledhë mostra nga ana e largët e satelitit të Tokës.
Sipas shkencëtarëve, kjo do të jetë hera e parë që një sondë do të marrë copëza nga ana e errët të hënës, siç është cilësuar nga studiuesit pasi është e padukshme nga Toka.
Një raketë pa pilot që mbante sondën Chang’e-6 u nis nga qendra e nisjes hapësinore Wenchang rreth orës 17:27 me kohën lokale. Sonda pritet të ulet në pellgun e Polit të Jugut-Aitken, i cili është rreth 2,500 km i gjerë dhe deri në 8 km i thellë.
Më pas synon të mbledhë shkëmbinj hënor për të kryer eksperimente. Misioni do të zgjasë 53 ditë, sonda synon të sjellë rreth 2 kg mostra hënore në Tokë për analizë
Ajo anë e hënës ka një kore më të trashë, dhe kjo mund të bëjë më të mundur mbledhjen e materialit që sipas shkencatëreve mund të hedhë dritë mbi mënyrën se si u formua sateliti i tokës.
Sonda mori emrin e perëndeshës së Hënës dhe një prej figurave më të njohura në mitologjinë kineze.
