Ambasadori i Kosovës në Bruksel, Agron Bajrami, i ka reaguar zëdhënësit të Bashkimit Evropian Peter Stano, se ende nuk është hartuar ende një raport i plotë i hetimit për sulmin terrorist të 24 shtatorit në Banjskë.
Bajrami nuk u pajtua me këtë konstatim të Stanos, duke dhënë një kronologji se si Prishtina zyrtare e kishte informuar BE-në.
Madje diplomati kosovar shpjegoi se Kosova i ka informuar mekanizmat e BE-së, jo njëherë por disa herë.
Po ashtu ai i ka renditur një nga një të gjitha procedurat e ndërmarra pas sulmit:
– Më 24 shtator, ditën e sulmit, Bajrami thotë se janë dërguar informacione urgjente për sulm terrorist. Dokumenti kishte dy faqe.
– Dy ditë më vonë, më 26 shtator, është dërguar dokumenti 12 prej 12 faqesh me informacion fillestar.
– Më 28 shtator është dërguar dokumenti 10 faqor me informacione faktike, teksa më 9 tetor është dërguar kopje fizike e gjetjeve preliminare, dokument ky prej 46 faqesh, që i është dorëzuar delegacionit të EEAS-it.
– Më 18 tetor, Bajrami thotë se gjetjet u janë dërguar të gjitha shteteve anëtare të BE-së dhe NATO-s.
“Më 20 tetor, raporti preliminar (51 faqe) iu dërgua BE-së, NATO-s dhe të gjitha shteteve të tyre anëtare. Gjatë dhjetorit 2023 dhe gjatë periudhës janar-shkurt 2024, u ndanë versionet e përditësuara të raportit. Informacionet e përfshira në këto dokumente janë faktike, të vërtetuara dhe bindëse përtej dyshimit të arsyeshëm” shkroi ai në X.
