Irani lëshoi më shumë se 180 raketa balistike mbi Izraelin më 1 tetor si përgjigje ndaj sulmeve izraelite në Tehran, Damask dhe Bejrut
Irani tha të dielën se nuk ka “vija të kuqe” në mbrojtjen e tij, komentet e ministrit të Jashtëm Abbas Araqchi dukej se synonin të hidhnin poshtë sugjerimet se Irani do të “gëlltiste” një sulm izraelit pa një përgjigje të mëtejshme, siç bëri Teherani në fillim të këtij viti kur Izraeli goditi Iranin për herë të fundit pas një breshërie raketash iraniane.
“Ndërsa ne kemi bërë përpjekje të jashtëzakonshme në ditët e fundit për të kontrolluar një luftë gjithëpërfshirëse në rajonin tonë, unë e them qartë se ne nuk kemi vija të kuqe në mbrojtjen e popullit dhe interesave tona”, tha Araqchi në një postim në X, raporton Reuters.
Lindja e Mesme mbetet në gatishmëri të lartë për përshkallëzim të mëtejshëm në një vit lufte, ndërsa Izraeli i mbështetur nga SHBA, lufton Hezbollahun në Liban dhe Hamasin në Gaza.
Sipas mediave amerikane, zyrtarët amerikanë besojnë se Izraeli ka ngushtuar objektivat në hakmarrjen e tij të mundshme për breshërinë e raketave iraniane dhe do të synojë të godasë infrastrukturën ushtarake dhe energjetike.
