Një gjykatë në Moskë e dënoi shtetasin amerikan Stephen Hubbard, 72 vjeç, me gjashtë vjet e 10 muaj burg të hënën, pasi dyshohet se luftoi si mercenar për Ukrainën, sipas medias shtetërore ruse TASS.
Hubbard, me origjinë nga Michigan, u akuzua për luftë kundër Rusisë për kompensim monetar dhe u deklarua fajtor muajin e kaluar për akuzat se ishte mercenar, sipas medias shtetërore ruse RIA Novosti.
Prokurorët rusë pretenduan se Hubbard luftoi me Ukrainën në qytetin kyç të Izyum, pasi nënshkroi një kontratë për rreth 1,000 dollarë në muaj, raportoi më parë RIA. Ai u arrestua nga forcat ruse në prill 2022.
“Po, jam dakord me akuzat,” i tha Hubbard, Gjykatës së Qytetit të Moskës në seancën e tij për pranimin e fajësisë në shtator, raporton CNN.
Gjyqi dhe dënimi i tij u zhvillua me dyer të mbyllura në gjykatën e Moskës.
Më herët të hënën, një gjykatë ruse dënoi një tjetër shtetas amerikan, ish-marinsin Robert Gilman, me shtatë vjet e një muaj burg për sulm ndaj oficerëve të zbatimit të ligjit.
