Dhjetë persona, përfshirë pesë fëmijë të moshës nga tre deri në 15 vjeç, kanë humbur jetën në një zjarr pranë qytetit francez të Lionit.

Fqinjët raportuan se kishin dëgjuar “ulërima tmerri” dhe dëshmuan se një nga banorët e hodhi fëmijën e saj nga ndërtesa te njerëzit poshtë përpara se të hidhej për vdekje, raporton “SkyNews”.

Zjarri shpërtheu në një bllok banimi shtatëkatësh në Vaulx-en-Velin në orët e para të së premtes, sipas ministrit të brendshëm, Gerald Darmanin.

Rreth 180 zjarrfikës morën pjesë dhe u vendos një kordon sigurie.

Një fotografi e skenës u postua në mediat sociale nga delegati i ministrit për qytetet dhe strehimin, Olivier Klein.

Shkaku i zjarrit nuk dihet në këtë fazë, tha ai.

“Ka disa skenarë dhe do të hapet një hetim”, tha Darmanin, duke shtuar se ishte në kontakt me presidentin Emmanuel Macron për tragjedinë.

“U dërgoj ngushëllimet e mia familjeve dhe të dashurve të viktimave”, vazhdoi ai.

Një banor, Mohamed, tha për mediat lokale: “Dëgjova zërin e grave dhe fëmijëve që bërtisnin”.

“E zgjova gruan time, i thashë: ‘Ka diçka serioze’”.

Fqinji, Assed, tha: “Ishte e tmerrshme. Isha vërtet i tronditur. Isha dëshmitar i një gruaje që… ua hodhi fëmijën njerëzve. Ata arritën ta kapnin. Ajo më pas u përpoq të hidhej, por shkoi keq. Ajo vdiq”.

Rida, një tjetër banore, tha: “Fëmijës tim, i thash të mos shkojë në shkollë, është i tronditur, u traumatizua kur dëgjoi britma të tilla, britma tmerri. Më dridhen këmbët”.

Leave a Reply

Your email address will not be published. Required fields are marked *

You May Also Like

MPB: Për dy ditë u lëshuan 6365 stikersa për automjetet që hyjnë nga Serbia

Po vazhdon të zabtohet marrëveshja për targa e arritur në Bruksel ndërmjet…

Joveski: Prokurorja ka keqpërdorur detyrën zyrtare

“Duke pas parasysh se Prokurori Publik ka sjell vendim për zgjerimin e…

Reagimi i VMRO-së për kuadrot e LSDM-së për zgjedhjet lokale

VMRO-DPMNE ka reaguar pas publikimit të kandidatëve për kryetar komunash në zgjedhjet…

Kurti pranon urime nga kryeministri Rutte: Holanda mbështetë Kosovën në përpjekjet për luftim të korrupsionit dhe sundim të ligjit​

Kryeministri i Republikës së Kosovës, Albin Kurti ka pranuar letër urim nga…

Shqyrtohen opsionet e orës policore për Bajram

Nuk përjashtohet mundësia që më 24 maj të ketë orë policore 24…