Zjarrfikësit e Tetovës kanë protestuar ndaj mos-pagesës së shtesave për punën e natës, gjatë fundjavave dhe rrezikshmërinë me të cilën përballen gjatë punës së tyre.

Në rast se përmbushen kërkesat e tyre zjarrfikësit i kanë ofruar komunës së Tetovës marrëveshje për ndërprerje të procedurës gjyqësore për mos-pagesën e shtesave që nga viti 2005.

“Ne kërkojmë ligji çka thotë, 29% neve na paguan komuna e Tetovës, punën e natës, por duhet të paguhet 42%. Festat shtetërore neve na paguhet 42%, policia dhe institucionet e tjera paguhen 150%,do të thotë. neve na vidhen këto mjete, fundjava na paguhet 29%, duhet sipas ligjit duhet të paguhet 42%”, tha Fariz Xhemaili, zjarrfikës.

“Ne presim uniforma, vetura presim prej tyre veturat i kemi të vjetra do prishen. Uniformat i kemi tejet të vjetra dhe nuk funksionojmë dot më prej donacioneve pra duhet të na ndihmojë edhe kryeministri Zaev edhe Drejtoria për Mbrojtje dhe Shpëtim” tha njëri prej protestuesve.

Pas protestës Komuna e Tetovës ka ftuar zjarrfikësit në takim.

“Brenda javës së ardhshme, zjarrfikësit do t’i ftojmë në komunë për të dëgjuar hallin e tyre. Kërkesat e zjarrfikësve për pajisje siç janë kamionët dhe pajisjet e tjera për luftën kundër zjarrit, janë gjëra të kushtueshme për të cilët duhet patjetër ndihma e Qeverisë dhe Qendrës për Mbrojtje dhe Shpëtim”, thonë nga Komuna e Tetovës.

Nëse nuk arrihet marrëveshja me komunën, zjarrfikësit paralajmërojnë vazhdimin e protestave.

Përveç zjarrfikësve të Tetovës me problemin e njëjtë përballen edhe zjarrfikësit e Gostivarit, Kërçovës, dhe qyteteve të tjera një pjesë e të cilëve, sot iu bashkuan protestës së zjarrfikësve të Tetovës.

Leave a Reply

Your email address will not be published.

You May Also Like

Thaçi: Serbia vrau civilë, por jo edhe idealin për lirinë dhe pavarësinë e Kosovës

Me rastin e 20-vjetorit të rënies, janë përkujtuar mbi 80 persona të…

Biletë e gjelbër apo transport publik falas?

Udhëtimi paraqet mundësi të shkëlqyer për njeriun. Por, mënyra sesi ne udhëtojmë…

Derkoski: Vonesat, për shkak të orarit të zgjatur të votimit

Komisioni Shtetëror i Zgjedhjeve tashmë ka shpallur rezultatet e para nga zgjedhjet…

Seancë e re e Kuvendit

Kuvendi republikan sot do të mbajë seancën e 124-të ku në rend…

Shembja e objektit te “Mavrovasja”, Qeveria i doli në ndihmë komunës së Çairit

Kryeministri Zoran Zaev ka thënë se Qeveria nuk e ka rrënuar objektin…