Zjarret në disa pyje në Portugali kanë plagosur 29 persona, ndërsa temperaturat parashikohen të arrijnë deri në 45 gradë Celsius në disa pjesë të vendit. Gjatë fundjavës vendi regjistroi 125 zjarre, numri më i lartë në një ditë të vetme këtë vit, me rreth 1,500 zjarrfikës që luftuan me tre zjarre të mëdha në disa rajone portugeze.

Qeveria shpalli gjendjen e alarmit në të gjithë vendin, e cila do të mbetet e tillë deri të premten. BE-ja aktivizoi programin e saj të ndihmës së flotës ajrore kundër zjarrit, i cili lejon vendet anëtare të ndajnë burimet për të ndihmuar Portugalinë.

Moti për javën e ardhshme ka shkaktuar shqetësime. Nga e marta, agjencia portugeze e motit parashikon temperatura deri në 45C në Alentejo rajoni midis Lisbonës dhe Algarve. Qeveria portugeze tha se kishte vendosur 60 avionë për të mbështetur ekuipazhet e zjarrfikësve. 

Muajin e kaluar, 96% e Portugalisë u klasifikua në thatësirë ​​”ekstreme”. Qeveria e Portugalisë e ka ndaluar publikun të hyjë në pyjet që konsiderohen të jenë në rrezik të veçantë nga zjarret, dhe ka ndaluar përdorimin e makinerive bujqësore dhe fishekzjarrët e jashtëligjshme. Në vitin 2017, zjarret vranë më shumë se 100 njerëz .

Ndërkaq një zjarr në Kaliforni po kërcënon gjithnjë e më shumë pemët shekullore në  Parkun Kombëtar Yosemite.

Zjarri i Washburn është dyfishuar në përmasa shumë të mëdha gjatë 24 orëve të fundit dhe tani vlerësohet të ketë djegur 1,591 hektarë. Zjarrfikësit po punojnë në terrene të vështira për të mbrojtur disa nga pemët më të mëdha dhe më të vjetra në botë.

Banorët dhe kampistët janë evakuuar dhe tymi i dendur ka përkeqësuar cilësinë e ajrit në rajon. Zjarri, i cili filloi më 7 korrik, kërcënon të paktën 500 sekuo gjigante në Mariposa Grove, duke përfshirë gjigantin e famshëm Grizzly, i cili mendohet të jetë rreth 3,000 vjet i vjetër.

Zjarri i Washburn tashmë ka detyruar afro 1600 njerëz të largohen, duke përfshirë komunitetin Wawona të vendosur brenda parkut kombëtar. Shkaku i zjarrit është ende duke u hetuar.

Leave a Reply

Your email address will not be published.

You May Also Like

Ish-komandanti i NATO-s: Nuk ka paqe në Europë me Putin 

Sir Richard Shirreff: Aleanca të sigurojë që konflikti të mos përshkallëzohet Nuk…

Ministri i Mbrojtjes falënderon Turqinë për përkrahjen ndaj FSK-së

Ministri i Mbrojtjes, Armend Mehaj ka pritur sot në takim Ambasadorin e…

Kryeministri Kurti : Vuçiqi Po flet me gjuhën e shekullit të kaluar

Kryeministri i Kosovës, Albin Kurti po shpreson që të gjendet një zgjidhje…

Lehona 37 vjeçe ndërron jetë në Klinikën e Shkupi, testohet për koronavirus

Në Klinikën e Gjinekologjisë dhe Akusherisë gjatë natës së djeshme është pranuar…

Pandemia/ Mbi 155 milionë të shëruar nga COVID-19 në të gjithë botën

Numri i personave që janë shëruar pas infektimit me koronavirusin e ri…