Bllokimi i fillimit të bisedimeve të Maqedonisë me BE nga ana e Bullgarisë, i detyroi anëtarët e Këshillit të Ambasadorëve të vendit tonë të propozojnë që të ndryshohet mënyra e vendimmarrjes, respektivisht të mos ketë nevojë për konsensus të plotë. Në kumtesën e tyre thuhet se Këshilli i Ambasadorëve, shpreh zhgënjim të madh që janë bllokuar negociatat aderuese me BE-në, për shkak të, siç thonë, qëndrimeve joparimore të Republikës së Bullgarisë.

“Avancimi i marrëdhënieve të mira fqinjësore dhe rajonale janë pjesë thelbësore për proceset e eurointegrimit. Prandaj, Këshilli i Ambasadorëve në aktivitetet e tij të ardhshme do ta afirmojë qëllimin e renditur lartë në agjendën politike të vendit tonë dhe do ta nxisë idenë për modernizim të mekanizmit të vendimmarrjes në BE, mbi parimin “konsensus minus një”, thonë nga Këshilli i Ambasadorëve të Maqedonisë së Veriut.

Ministrja e punëve të jashtme, Ekaterina Zaharieva edhe sot vazhdoi me qëndrimet e saj të ngurta dhe tha se pa garanci nuk ka negociata për Maqedoni. Duke iu përgjigjur pyetjeve të deputetëve në parlamentin bullgar, ajo tha se në Maqedoni ka gjuhë të urrejtjes dhe se insistohet për minoritet maqedonas në Bullgari. Por, nga ana tjetër, ajo flet për bullgarë në Maqedoni.

“Ka tekst për obligime që vlejnë vetëm për Republikën e Maqedonisë së Veriut se nuk do të ketë pretendime për të ashtuquajturin minoritet maqedonas në Bullgari. Qeveria e Bullgarisë ishte ajo e cila për herë të parë krijoi program special për ndihmë dhe financim të shoqatave të bullgarëve në anën tjetër të kufirit”, theksoi Ekaterina Zaharieva – Ministre për Punë të Jashtme e Bullgarisë.

Këto ditë përfaqësuesi special në negociatat me Bullgari, Vllado Buçkovski zhvilloi takim me krerët bullgarë, ndërsa dje në takimin me Bojko Borisov tha se i sjell non-paper i cili, siç theksoi, ka të bëjë me atë se Maqedonia nuk ka pretendime territoriale ndaj Bullgarisë./TV21

Leave a Reply

Your email address will not be published.

You May Also Like

Lija e Majmunit arrin në Mal të Zi, konfirmohet rasti i parë

Rasti i parë i lisë së majmunit është regjistruar në Mal të…

“Çfarë do të bëjë Kosova atje?”/ Azem Vllasi kundërshton “Ballkanin e Hapur”, thotë se përftime kanë vetëm këto tri shtete

Ish-politikani dhe avokati Azem Vllasi beson se projekti i “Ballkanit të Hapur”…

Spitali i fëmijëve në Mariupol u shkatërrua nga sulmet ajrore ruse

Një spital për fëmijë në qytetin port jugor është shkatërruar plotësisht nga…

Liberalizimi i vizave dhe dialogu Kosovë – Serbi, gjithçka nga intervista me ambasadoren franceze Butel

Ambasadorja e Francës në Kosovë, Marie-Christine Butel në një intervistë për Telegrafin…

Politikani serb i Kosovës: Serbia zyrtarisht ndan deri në 800 milionë euro në vit për serbët në Kosovë, ne ato para nuk i kemi parë

Qasja e Beogradit zyrtar ndaj serbëve që jetojnë në komunat veriore të…