Presidenti i Serbisë, Aleksandar Vuçiq iu ka drejtuar kombit rreth zhvillimeve dhe situatës në Ukrainë.

I pari i shtetit serb ka pohuar se gjendet në pozitë të vështirë ai dhe Serbia gjersa tha se pret presion më të madh që të rreshtohemi kundër Rusisë.

Vuçiqi ka paralajmëruar edhe “kurthe” për Serbinë, teksa ka folur për Kosovën, raporton b92.

“Kriza në Ukrainë po prek edhe Serbinë”, pohoi ai duke shtuar se “E gjithë bota është bërë ndryshe dhe fjalë për fjalë asgjë nuk është më e njëjtë”.

“Serbia po përballet me presion të madh dhe me faktin se pak njerëz duan të dëgjojnë argumentin tuaj, atëherë e keni të qartë se sa e vështirë është pozita jonë”, shtoi Vuçiq.

“Unë mendoj se ky është vetëm fillimi, presioni mbi vendin tonë do të jetë i madh në periudhën e ardhshme. Pres që në periudhën e ardhshme të ketë disa kurthe për Serbinë. E patë që shqiptarët aplikuan për anëtarësim në NATO, e patë që morën mbështetjen e një force si Turqia”, tha ai.

Ai pret që një prej iniciativave të ardhshme të jetë përjashtimi i Rusisë nga Këshilli i Sigurimit të OKB-së, e më këtë sipas tij, do të hapej rruga për pranim të pavarësisë së Kosovës nga kjo organizatë.

“Ata planifikojnë këtë ta bëjnë në bazë të nenit 6. Pastaj hapin derën për ndryshimin e Rezolutës 1244, pas së cilës nuk kemi më bazë ligjore dhe do të pasojë njohja e pavarësisë së Kosovës”, tha presidenti serb.

Ndryshe, Serbia sot ka votuar në Asamblenë e Përgjithshme të Kombeve të Bashkuara për dënimin e agresionit rus në Ukrainë, por që ka refuzuar t’i bashkohet vendeve perëndimore t’i vendosin sanksione Rusisë.

Leave a Reply

Your email address will not be published.

You May Also Like

“Kamala Harris do të vdesësh”- Arrestohet gruaja që kërcënonte me vrasje Zv.Presidenten e SHBA

Një grua nga Miami është akuzuar se ka kërcënuar se do të…

Strehimi i afganëve, Rama për CNN: Do të presim rreth 4,000 persona

Kryeministri Edi Rama, në një intervistë për CNN, bëri me dije se…

VIDEO / Flet mjeku kumanovar në Gjermani: Shumica e viktimave të Koronavirusit kanë vuajtur edhe nga tri sëmundje tjera!

Mjeku kumanovar Rexhail Ramadani tani e disa vite është i angazhuar në…

Ekspertët: Masa më rigoroze për personat në vetizolim

Nevojiten masa më restriktive për personat që janë në izolim dhe vetë…

Një mjeke në Kumanovë rezulton pozitive me Korona

Një mjeke në Spitalin e Kumanovës është një nga pesë pacientet e…