Duke pasur një konsideratë të thellë për të gjithë mediat e, në veçanti për mediat vizive në vend, Këshilli për Mbrojtjen e Kushtetutshmërisë së Bashkësisë Fetare Islame në RMV, apelon për një bashkëpunim sa më gjithëpërfshirës, me qëllim që ta ruajmë misionin e shenjtë të mediave tona – drejtinformimi.
Mediat tona, mbase, duke u nisur nga domosdoshmëria e respektimit të autoritetit, qoftë të një personi apo edhe të një institucioni, nganjëherë po bien pre e kësaj “edukate” dhe, po anojnë pa dashje e pa kurrfarë strategjie paraprake, kah përhapja e informacionit të rrejshëm dhe kah synimet e errëta për ta dëmtuar autoritetin!
Prandaj Këshilli për Mbrojtjen e Kushtetutshmërisë së BFI-së i fton të gjithë mediat e vendit, në veçanti ato vizivet që, të japin kontributin në shpalosjen e së vërtetës, në shpalosjen e problemeve me të cilat tash e sa kohë po ndeshet Institucioni i BFI-së.
Debatet televizive, ballafaqimi i fakteve, shpalosja e së vërtetës edhe të aktorëve të tjerë me mendim opozitar por edhe të atyreve që mbrojnë dokrtinën konstitucionaliste të domosdoshëm për një Institucion të mirëfilltë, janë kontribute jetike për ta dëshmuar, së pari, profesionalizimin emedias vizive, dhe, mbi të gjitha, drejtinformimin.
Ne, si Këshill i Mbrojtjes së Kushtetutshmërisë së BFI-së, si trup vullnetar i inicuar dhe themeluar nga një numër relativisht i madh i imamëve dhe teologëve të vendit, kemi mbledhur fakte e informacione për shkelje flagrante të Kushtetutës së BFI-së nga “udhëheqësia aktuale” e këtij Institucioni, për veprime të përditshme antikushtetutare, për aktivitete imagjinare e sporadike, që çojnë ujin në mulli të huaj. Nuk e besojmë se mediat tona aq lehtë mund ta gëlltisin kriminalizimin e këtiij Institucioni! Me publikimin e informacioneve të njëanshme, të paketuara sipas dëshirës së shkelësve të Kushtetutës së BFI-së, nuk e besojmë se përmbushet misioni i shenjtë i mediave tona vizive.
Prandaj, Këshilli për Mrojtjen e Kushtetutshmërisë së BFI-së, apelon deri te medat vizive të vendit që, të bëjnë ç’mos që të dëgjohet edhe pala tjetër e cila ka qindra fakte e argumenta se BFI-ja si Institucion, nuk është në udhën e duhur. I ftojmë të gjitha mediat nacionale dhe ato lokale që ta japin kontributin e vet kombëtar e fetar në rimëkëmbjen e këtij Institucioni fetar, i cili, për momentin po vuan nga mosnjohja e Kushtetutës së BFI-së, nga lakmia e sëmurë për shkelje kushtetutare si dhe për veprime jasht të gjitha akteve nomative të BFI-së. Kjo dukuri e rëndë mund të zbutet dhe të eliminohet fare, vetëm duke i dhënë fund prezantimit të personave me mentalitet demgogu si dhe matrapazëve që mendojnë se Institucioni dhe gjithçka tjetër, përfshirë edhe mediat, duhet të vegjetojnë rreth tyre. Gjithnjë ekziston edhe ana tjetër e medaljes. Jasht kësaj logjike gjithçka është false, pra, e kriminalizuar!
Mediat e vendit duhet të kuptojnë se, të gjithë ata që i ikin debatit dhe përballjes së argumentave, në fakt janë manipulatorë që mundohen ta keqpërdorin median për ta shitur “të vërtetën” e tyre të paketuar sipas strategjisë së brumosur guzhinave të huaja.
Shpresojmë dhe lutemi për mirëkuptim!

Këshilli për Mbrojtjen e Kushtetutshmërisë së BFI në RMV

Shaban Aziri, kordinator
Eset Shaqiri, zv/kordinator
Mirdi Brao, zv/kordinator

Leave a Reply

Your email address will not be published.

You May Also Like

Gaxherri: Liderët politikë ta gjejnë një president të pranueshëm për të gjithë

Deputetja nga radhët e Lidhjes Demokratike të Kosovës, Besa Gaxherri, ka deklaruar…

Miliona njerëz u bënë milionerë gjatë pandemisë

Më shumë se pesë milionë njerëz u bënë milionerë në të gjithë…

Kryeministri Kurti : Vuçiqi Po flet me gjuhën e shekullit të kaluar

Kryeministri i Kosovës, Albin Kurti po shpreson që të gjendet një zgjidhje…

Reformimi i Policisë, ambasadori gjerman i dorëzon Çuçit raportin e Policisë Federale

MB: Do të fillojmë punën menjëherë! Gjermania do të ndihmojë Shqipërinë në…

Mbërrijnë 100 mijë vaksina anticovid, Rama: Një ditë vonesë për shkak të tentativës çmendurake për bllokimin e fushatës së vaksinimit

Kryeministri Edi Rama ka bërë me dije se kanë mbërritur 100 mijë…