Turqia akuzoi të hënën Greqinë se ka zmbrapsur një varkë që transportonte emigrantë nga ujërat territoriale greke në ato turke.

Ministria e Mbrojtjes në Ankara tha se incidenti ndodhi të dielën pranë Rodosit [ishull grek] dhe postoi pamjet me dron në mediat sociale që tregonin rojet bregdetare duke tërhequr varkën në ujërat turke pranë vendpushimit jugperëndimor të Marmaris [port- qytet në Turqi].

Rojat bregdetare greke nuk kanë dhënë ndonjë komente për rastin.

Reuters nuk ishte në gjendje të verifikonte menjëherë vërtetësinë e pamjeve, të cilat tregojnë se pasagjerët e një varke lidhin një litar nga pjesa e prapme e saj në një varkë të vogël gome, të cilën varka më pas e tërheq mbrapsht përpara se të shkëputet prej saj dhe të largohet. Nuk ishte e qartë se sa njerëz ishin në varkën e vogël prej gome.

Athina ka mohuar vazhdimisht akuzat nga grupet e të drejtave të njeriut dhe agjencia e refugjatëve e Kombeve të Bashkuara, UNHCR, se ajo i zmbraps emigrantët jashtë ujërave greke, duke thënë se përgjon varkat në det për të mbrojtur kufijtë e saj.

Greqia ishte vija e parë e krizës së migracionit të Evropës në 2015 dhe 2016 kur rreth një milion refugjatë që ikën nga lufta dhe varfëria në Siri, Irak dhe Afganistan mbërritën, kryesisht nëpërmjet Turqisë. Numri i të ardhurve ka rënë ndjeshëm që atëherë.

Greqia dhe Turqia, vende anëtare të NATO-s dhe rivalë historikë, kanë qenë prej kohësh në mosmarrëveshje për çështjet e emigrantëve dhe pretendimet territoriale konkurruese.

Leave a Reply

Your email address will not be published. Required fields are marked *

You May Also Like

Aksident fatal në autostradën Shkup-Kumanovë

Një shofer ka ndërruar jetë pas një aksidenti në pikën pagesën në…

Hipper: Ballkani Perëndimor duhet të harmonizojë plotësisht politikën e vizave me BE-në

Zëdhënësja e Komisionit Europian për Punët e Brendshme, Hipper thekson për DW…

Sulm me raketa në autokolonën humanitare në Ukrainës, vdesin 23 persona

Autoritetet ukrainase kanë raportuar një sulm me raketa në një autokolonë humanitare…

Pas bllokimit të rrugëve në veri, mbyllen pikat kufitare në Jarinjë e Bërnjak

Pas bllokimit të rrugëve në veri të vendit, si pasojë e arrestimit…

Sulmi ndaj kryetarit të KRRE-së, për shkak të marrjes së licencës

Pas sulmit fizik ndaj kryetarit të KRE-së, Arianit Xhaferi është thirrur për…