Turqia dhe aleatët e tij rebelë sirianë kanë nisur operacionin e tyre ushtarak në verilindje të Sirisë, ka thënë presidenti turk, Recep Tayyip Erdogan.

Sipas tj kjo ofensivë synon të eliminojë “korridorin e terrorit” përgjatë kufirit jugor të Turqisë.

Erdogan ka thënë se ofensiva e ashtuquajtur “Operacioni Pranvera e Paqes”, ka për qëllim eliminimin e kërcënimit që vjen nga milicia e kurdëve sirianë dhe militantëve të grupit ekstremist, Shteti Islamik.

Milicia kurde, e njohur si grupi YPG ka luajtur rol të rëndësishëm në mposhtjen e Shtetit Islamik në Siri.

Turqia e konsideron këtë grup si pjesë të Partisë së ndaluar të Punëtorëve të Kurdistanit, e cila ka luftuar për autonominë kurde brenda Turqisë për tri dekada me radhë.

YPG-ja e mohon çdo lidhje të drejtpërdrejtë organizative me Partinë e Punëtorëve të Kurdistanit.

Erdogan ka thënë se kjo ofensivë synon edhe të mundësojë kthimin e refugjatëve sirianë pas formimit “të zonave të sigurta” në këtë pjesë.

“Misioni ynë është që të parandalojnë krijimin e një korridori të terrorit përgjatë kurfirit jugor, si dhe të ofrojmë paqe në këtë zonë”, ka thënë Erdogan përmes një postimi në rrjetin social, Twitter.

“Ne do ta ruajmë integritetin territorial të Sirisë dhe të çlirojmë komunitetet lokale nga terroristët”, ka shtuar ndër të tjera ai.

Të hënën forcat amerikane kanë nisur të tërhiqen nga zonat përgjatë kufirit të Sirisë me Turqinë, pasi Shtëpia e Bardhë ka njoftuar se do të distancohet nga operacioni i planifikuar turk kundër forcave kurde në verilindje të Sirisë.

Sipas disa njoftimeve, forcat amerikane janë tërhequr tashmë nga dy postblloqet e vëzhgimit në Tel Abjad dhe Ras al-Ain./REL

Leave a Reply

Your email address will not be published.

You May Also Like

Rusia shpall të përfunduar ‘fazën e parë të luftës’, tregon ‘fitoret dhe humbjet në Ukrainë’

Më shumë se 1,000 ushtarë rusë kanë vdekur gjatë operacionit ushtarak në…

Osmani e Kurti në Obiliq, premtojnë një qeverisje pa korrupsion

Lideri i Lëvizjes Vetëvendosje, Albin Kurti, bashkë me ushtruesen e detyrës së…

Hoqi dorë nga mbretëria, ja çfarë ka vendosur të bëjë tani Meghan Markle

Meghan dhe Harry kanë hequr dorë nga roli mbretëror për të jetuar…

Publikohet fotoja kur ushtari serb i pret kokën një shqiptari me sëpatë

Një foto e tmerrshme është publikuar së fundi nga mediat në Kosovë,…

Zëdhënësi i Kremlinit thotë se takimi Zelenskyy-Putin është i mundur

Zëdhënësi i Kremlinit, Dmitry Peskov, citohet nga mediat ndërkombëtare të ketë thënë…