Përpjekjet e kërkim-shpëtimit janë duke u zhvilluar pasi Misisipi u ballafaqua me një prej tornadove më vdekjeprurëse ndonjëherë.
Siç raportohet, të paktën 24 persona kanë vdekur pas tornados të së premtes mbrëma, derisa të tjerë mendohet se janë bllokuar nën rrënojat e ndërtesave të shkatërruara.
Fenomeni shkaktoi dëme në disa qytete rurale, duke shembur pemë dhe linja elektrike.
Sistemi i stuhisë që përshkoi Misisipin krijoi një tornado që ka shkaktuar dëme katastrofike në komunitetet në të gjithë shtetin. Fenomeni më i madh shkatërroi dhjetëra ndërtesa në disa qytete të vogla, duke rrokullisur makinat dhe duke rrëzuar linjat e energjisë elektrike.
Një nga ato qytete të vogla, Rolling Fork, që gjendet në Qarkun Sharkey në Misisipin perëndimor, ka pasur dëme të mëdha, sipas kryetarit të qytetit.
“Qyteti im është zhdukur”, tha kryebashkiaku Eldridge Walker për CNN. “Por ne do e marrim veten shpejt”.
