Pas sulmit fizik ndaj kryetarit të KRE-së, Arianit Xhaferi është thirrur për deklaratë në stacionin policor. Ai e ka pranuar veprën, pas çka policia ka njoftuar se rasti është zbardhur ndërsa kundër tij është paralajmëruar kallëzim penal për dhunë, vepër e cila parasheh dënim me burg prej 3 muaj deri në 3 vjet. Sulmi ka ndodhur mbrëmë në tarracën e objektit gastronomik në Debar Mëhallë ku kanë qenë prezent Xhaferi dhe Bislimovski. Në video incizimin që e publikoi “Dojçe Vele” në gjuhën maqedonas shihet se si Xhaferi e tërheq Bislimovskin për kollare tek sa ai tenton të largohet. Persona të tjerë gjithashtu përpiqen ta largojnë Xhaferin. Incizimet së bashku me deklaratat e dëshmitarëve do të jenë dëshmi në procedurë.

 “Mbrëmë rreth mesnatës, M.B 45 vjeç, ka denoncuar se në tarracën e objektit gastronomik në qendër të Shkupit është sulmuar fizikisht nga A.XH 28 vjet. Menjëherë janë marrë masa përkatëse dhe aktivitete për zbardhjen e rastit.”- deklaroi Toni Angellovski- zëdhënës i MPB-së.

Jozyrtarisht shkak për sulmin ka qenë hapja e procedurës për marrjen e licencës kompanisë U-Pover, pronësi e Xhaferi, i cili është i biri i ish zv.kryeministrit Musa Xhaferi nga radhët e BDI-së. Kompania merret me furnizim të energjisë elektrike ndërsa KRRE-ja ka vërtetuar se nuk i ka siguruar në tërësi sasitë e energjisë elektrike, për të cilat ka lidhur kontratë me konsumatorët.

Zëdhënësja e KRRE-së, Marina Uzunov deklaroi se pavarësisht nga sulmi fizik, edhe më tej do të vazhdojnë të punojnë sipas fakteve.

 “Komisioni Rregullator udhëhiqet nga ligjet dhe ajo që është në kompetencën tonë. Ne nuk merremi me këtë, kush biri i kujt është, kushëriri, nipi apo vëllai i kujt është, por se siguroj që do të vazhdojmë t’i udhëheqim procedurat sipas ligjit dhe normativës. Për të njëjtat, sikur deri më tani do t’ju njoftojmë.”- pohoi Marina Uzunov- zëdhënëse e KRE-së

Bislimovski pas ndihmës mjekësore është lëshuar për shërim shtëpiak.

Igor Stefanovski

Alsat

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…