Pronarët e televizionit Top Channel janë marrë në pyetje në lidhje me sulmin e ndodhur në orët e para të 27 marsit ku mbeti i vrarë roja i sigurisë Pal Kola.
Sipas Report Tv ata janë pyetur nëse kanë pasur kërcënime kohët e fundit dhe kanë konfirmuar se episode të tilla nuk kanë ndodhur dhe nuk kanë një të dyshuar.
Sot policia e Tiranës ka vendosur në dispozicion shumën e parave prej 100 mijë Euro për këdo që jep informacione rreth autorëve të sulmit me armë ndaj Top Channel ku mbeti i vrarë roja i këtij objekti, 60-vjeçari Pal Kola.
“Policia e Shtetit fton qytetarët që të japin informacion për autorët e kësaj ngjarjeje të rëndë dhe vendos shpërblim 100 000 euro, për çdo informacion të vlefshëm që do të çojë në identifkimin e autorëve. Policia e Shtetit vendos në dispozicion të qytetarëve, numrin e telefonit 069 41 10 299, duke garantuar anonimatin e plotë të çdo telefonuesi”, thuhet në njoftimin e Policisë së Tiranës.
