Këshilltari për Siguri Kombëtare në Shtëpinë e Bardhë, Jake Sullivan, tha para gazetarëve se Shtetet e Bashkuara kanë informacione se Irani po përgatitet të furnizojë Rusinë me dronë – përfshirë armë të ndryshme që montohen në dronë.

Sullivan theksoi se Rusisë po i kushton shtrenjtë lufta në Ukrainë, e për të minimizuar këtë po tenton të furnizohet nga lindja, transmeton Telegrafi.

Sipas tij, Shtëpia e Bardhë ka informacione se qeveria iraniane po përgatitet t’i dhurojë Rusisë qindra fluturake pa pilot.

“Informacionet që i kemi tregojnë se Irani po përgatitet të trajnojë forcat ruse në përdorimin e këtyre fluturakeve – duke filluar me një trajnim gjatë këtyre ditëve. Megjithatë nuk dihet nëse Irani ka dërguar tashmë ndonjë fluturake të tillë në Rusi”, shtoi Sullivan.

E sipas zëdhënësit të Shtëpisë së Bardhë, informacionet e Sullivan bazohen në raportet e inteligjencës amerikane që i ka mbledhur nga terreni.

Kjo nuk është hera e parë që raportohet se Rusisë po i kushton shtrenjtë lufta në Ukrainë, dhe se pajisjet ushtarake kanë filluar t’i mungojnë dhe ata pak aleat që i ka po tentojnë t’i dalin në ndihmë.

Më herët ishte raportuar se mercenarë të shumtë sirianë, janë paraqitur për të luftuar krahas rusëve kundër ukrainasve që nga fillimi i pushtimit rus në këtë vend.

Leave a Reply

Your email address will not be published.

You May Also Like

MPJD reagon pas ndalimit të boksierëve kosovarë në Serbi

Ministria e Punëve të Jashtme dhe Diasporës ka reaguar për ndalesën e…

Johnson, plan me 6 pika për të ndaluar pushtimin e Ukrainës nga Rusia

Boris Johnson ka zbuluar një plan prej 6 pikash që ai shpreson…

Ambasadorja amerikane: Duam ta ndalim luftën dhe ta bëjmë Rusinë që ta lëshojë Ukrainën

Ambasadorja amerikane në NATO Julianne Smith ka thënë se Shtetet e Bashkuara…

26 raste të reja me koronavirus, shërohen edhe tre pacientë

Ministria e Shëndetësisë njofton  prej 330 testeve të realizuara gjatë 24 orëve…

Edhe 2 viktima nga koronavirusi në vend

Ministri i shëndetësisë i Republikës së Maqedonisë së Veriut njoftoi sot edhe…