Sulmet digjitale kundër faqeve të internetit të qeverisë tajvaneze përpara mbërritjes së Kryetares së Dhomës së Përfaqësuesve të SHBA Nancy Pelosi në Tapei të martën, dyshohet të kenë nisur nga hakerë aktivistë kinezë dhe jo nga qeveria kineze, tha një organizatë kërkimore për sigurinë kibernetike.

Sipas Reuters, webfaqja e zyrës presidenciale të Tajvanit u vu në shënjestër këtë të martë dhe në një moment nuk funksionoi, tha zyra në një deklaratë.

Qasja në faqen e internetit u rivendos brenda rreth 20 minutash pas sulmit, thuhet në deklaratë.

Agjencitë qeveritare tajvaneze po monitorojnë situatën përballë “luftës së informacionit”, shtoi më vonë një zëdhënës.

Një uebsajt i portalit qeveritar dhe faqja e internetit e Ministrisë së Jashtme të Tajvanit gjithashtu dolën jashtë funksionit këtë të martë.

Në një deklaratë, Ministria e Jashtme tha se të dyja faqet e internetit ishin goditur me deri në 8.5 milionë sulme në minutë nga vende si Kina, Rusia dhe shtete të tjera. Sulmet janë në vazhdim, thuhet në deklaratë.

Sulmet DDoS synojnë nxjerrjen jashtë funksioni të serverëve.

“Këto janë sulme të pakoordinuara  kundër faqeve të internetit që hakerët kinezë përdorin për të përcjellë mesazhin e tyre”,  tha Johannes Ullrich, Dekan i Kërkimeve në Institutin e Teknologjisë SANS, një organizatë arsimore dhe kërkimore për sigurinë kibernetike.

“Zakonisht vazhdon për disa ditë, por ata shpesh humbasin interesin brenda një jave. Shumë nga sulmet  motivohen nga ajo që shkruhet në shtypin kinez”, shtoi Ullrich.

Sulmet erdhën nga qindra mijëra adresa IP, të lidhura me pajisjet e regjistruara brenda hapësirës tregtare kineze të internetit, tha Ullrich. Grupi i adresave IP nuk përputhej me aktivitetin e zakonshëm të kryer nga hakerat e qeverisë kineze.

Leave a Reply

Your email address will not be published. Required fields are marked *

You May Also Like

Partia e Macron ndryshon emrin – tani do të quhet Rilindja

Lëvizja politike e presidentit francez, Emmanuel Macron, mbrëmë zyrtarisht ka ndryshuar emrin…

Mbyllen shkolla dhe dyqane në Itali për shkak të koronavirusit

Romë, 22 shkurt – Në më shumë se dhjetë qytete në rajonet…

EULEX-i sjell përforcime për sigurinë në Kosovë

Shefi i diplomacisë evropiane, Josep Borrell, ka bërë të ditur se Misioni…

​Zelensky dhe drejtoresha e FMN-së diskutojnë për “rindërtimin e pasluftës” të Ukrainës

Presidenti i Ukrainës Volodymyr Zelensky tha të dielën se bisedoi me drejtoreshën…

Dy persona gjenden të vdekur në banesat e tyre

Një person u gjet i vdekur në banesën e tij në rrugën…