Një eksperte e ligjit ndërkombëtar për refugjatët thotë se bujaria e mikëpritjes së ukrainasve nga vendet evropiane, ka rindezur një ndjeshmëri dhe shpirt human në mbarë botën ndërsa ka shpalosur standartin e dyfishtë të ndjekur nga Evropa dhe vende të tjera ndaj grupeve të tjera të refugjatëve. Leah Zamore, drejtuese e programit për Krizat Humanitare në Qendrën për Bashkëpunimin Ndërkombëtar në Universitetin e Nju Jorkut shpreson se kjo krizë do të sjellë ndryshim në trajtimin e atyre që janë tashmë refugjatë apo që do të kërkojnë strehim në të ardhmen.
