Deputeti i Aleancës për Shqipatarët (ASH), Halil Snopçe, ka thënë se dështimi i Maqedonisë së Veriut në Samitin e javës së kaluar për të marrë datë për fillimin e negociatave me BE-në, nuk është i pari. Ai tha se diplomacia e vendit ka dështuar disa herë në të kaluarën ndonëse zyrtarë të lartë të vendit i kanë manipuluar qytetarët me këtë temë.

“Nuk kam çka e vlerësoj rolin e Bujar Osmanit. Atë e vlerëson historia. Nëse kthehemi pas në histori, ne e dimë se disa herë kemi pasur deklarata pompoze që data është marrë. Me ato selfiet famoze në aeroplan, së bashku me ish-kryeministrin dhe ish-ministrin e punëve te Jashtme, Dimitrov. Një herë thuhej se do e marrim në janar, pastaj në qershor, në vjeshtë, në pranverë, por ne disa herë kemi dështuar të marrim datën. Për ASH-në, data nuk na bën shumë përshtypje, edhe po të marrim datën ne nuk kemi bërë asgjë nëse nuk e ndryshojmë mendësinë tonë. Maqedonia edhe nëse merr datën, ne nëse nuk bëjmë reforma të vërteta në shtet, në sistem, data nuk do të ketë asnjë vlerë. Nëse vazhdojmë te jemi shtet i korruptuar nuk kemi bërë asgjë, as me datën. Nëse vazhdojmë të jemi shteti i kriminalizuar me shumë afera kriminale, afera më interesante e cila ishte me 200 pasaporta për narkodilerët dhe kriminelët të cilët shëtisnin lirshëm me pasaportat e Maqedonisë, duke rrezikuar zonën Shengen, pra në një shtet serioz nuk duhet të ndodhin këto”, tha Snopçe.

Leave a Reply

Your email address will not be published.

You May Also Like

Sekretarja e Jashtme britanike: Lufta në Ukrainë, do të jetë fillimi i fundit të Putinit

Sekretarja e Jashtme britanike, Liz Truss, ka thënë për Sky News se…

Duhet të përgatitemi për skenarin më të keq

Gjithsej 400 milion euro kredi në Eurobono do të kërkojë Qeveria nga…

SHBA/ 7 të vdekur gjatë të shtënave me armë në një festë ditëlindjeje

Të shtënat me armë në një festë ditëlindjeje në shtetin amerikan të…

Maqedonia vazhdon dështimin në luftën kundër korrupsionit

Maqedonia e Veriut po e përmbyll vitin 2021 pa rezultate konkrete në…

Qeveria gjermane bën thirrje për një izolim të shkurtër të vendit

Qeveria gjermane po bën thirrje për një bllokim të shkurtër në të…