Të paktën 19 persona kanë vdekur dhe dhjetëra njerëz janë zhdukur në Gjermani pas përmbytjeve.

Sipas raportimit të Associated Press përmbytja trazoi një pjesë të madhe të Gjermanisë ku disa përrenj dolën nga shtrati duke përmbytur shumë rrugë e duke marrë përpara vetes shumë vetura e madje duke shembur edhe banesa.

Autoritetet në qarkun perëndimor të Euskirchen thanë të enjten se tetë vdekje ishin raportuar atje lidhur me përmbytjet.

Ndërsa, operacionet e shpëtimit u penguan nga fakti që nuk kishte fare lidhje të telefonit dhe internetit në një pjesë të rajonit i cili është në jugperëndim të Kolnit.

Policia në qytetin perëndimor të Koblenz tha se katër njerëz kanë vdekur në qarkun Ahrweiler dhe rreth 50 të tjerë ishin bllokuar në çatitë e shtëpive të tyre në pritje për shpëtim, ndërsa vetëm gjatë natës gjashtë shtëpi u shembën në fshatin Schuld.

Shkalla e plotë e dëmit në rajon është ende e paqartë pasi shumë fshatra u përmbytën dhe rrëshqitjet e tokës i bënë rrugët e pakalueshme.

Autoritetet kanë shpallur gjendje emergjence në rajon pas disa ditëve me reshje të mëdha që prekën gjithashtu pjesë të mëdha të Gjermanisë perëndimore dhe qendrore, si dhe vendet fqinje, duke shkaktuar dëme të mëdha.

Shërbimi gjerman i motit DWD parashikuan se reshjet e shiut do të lehtësohen të enjten.

Leave a Reply

Your email address will not be published.

You May Also Like

Tetovë, kapet kamioni i ardhur nga Turqia arrestohen dy emigrant nga Kabulli

Dje (18-prill) rreth orës 09:10, në SPB Tetovë, punonjësi i terminalit doganor…

Ukrainasit hapin në Kiev ekspozitën me tanket e shkatërruara ruse

Ukrainasit në Kiev kanë hapur një lloj ekspozite, duke prezantuar në qendrën…

Musliu: Gjenerali rus Leonid Ivashov që dikur tregtonte me ndjenjat e serbeve, sot gjoja shqetësohet për ta

Gjeneral-koloneli në pension i Federatës Ruse, Leonid Grigoryevich Ivashov ka thënë se…

88 raste të reja, 123 të shëruar dhe tre të vdekur në Maqedoni nga koronavirusi

Ministri e shëndetësisë informon se në 24 orët e fundit janë bërë…

Presidentja Osmani kritika Zvicrës për mosvaksinimin e kosovarëve para se të udhëtonin për në Kosovë

Presidentja e Kosovës, Vjosa Osmani, po qëndron në Zvicër për një vizitë…