Analisti Daniel Serwer ka deklaruar se verzioni i fundit i planit franko-gjerman për normalizimin e marrëdhënieve Kosovë-Serbi, në të cilën, siç thotë ai, përfshihen më shumë detaje rreth rregullimit të jetës së komunitetit serb në Kosovë, mirëpo nuk përmendet njohja e Kosovës nga pesë shtetet e BE-së dhe as çështja e të drejtave të komunitetit shqiptar në Serbi.

Serwer  theksoi se verzioni i fundit i këtij plani është  një “hap kah drejtimi i duhur” nëse zbatohet plotësisht, por ka “shtesa të diskutueshme” dhe të meta.

Profesori nga Universiteti John Hopkins në Uashington shtoi se në nenin 7, thuhet se të dyja palët janë të përkushtuara për arritjen e marrëveshjeve konkrete, në përputhje me instrumentet përkatëse të Këshillit të Evropës dhe duke përdorur përvojat ekzistuese evropiane “për të siguruar një nivel të duhur të vetëqeverisjes për komuniteti serb në Kosovë dhe mundësia e ofrimit të shërbimeve për Kosovën”, siç u tha, në fusha të caktuara, duke përfshirë mundësinë e ndihmës financiare nga Serbia dhe kanalet e drejtpërdrejta të komunikimit ndërmjet komunitetit serb dhe qeverisë së Kosovës.

Në pjesën e atij shkrimi të publikuar nga Serwer thuhet se palët do të zyrtarizojnë statusin e Kishës Ortodokse Serbe në Kosovë dhe do të sigurojnë një nivel të lartë të mbrojtjes së trashëgimisë fetare dhe kulturore serbe, në përputhje me modelet ekzistuese evropiane.

Ai deklaroi se një nga mangësitë është se paragrafi i parë nuk e përmend kushtetutën e Kosovës si bazë për “aranzhimet konkrete” të përmendura dhe se reciprociteti brenda Serbisë nuk kërkohet për komunitetin shqiptar.

Leave a Reply

Your email address will not be published. Required fields are marked *

You May Also Like

Alarmuese situata me virusin në Tetovë, Filipçe dhe Komisioni kërkojnë masa për Tetovën

Ministri i Shëndetësisë, Venko Filipce, në koordinim këtë mëngjes me anëtarët e…

Përkujtohet vrasja e dy fëmijëve në Dragobil të Malishevës, tri dekada më vonë askush s’është dënuar për këtë krim

Opinionisti Fitim Salihu ka përkujtuar dy fëmijë nga Malisheva që u vranë…

Ky është autori i sulmit që vrau disa persona me shigjeta në Norvegji

Të paktën 4 persona kanë humbur jetën dhe disa të tjerë kanë…

Nën drejtimin e DSP-së, ekipi operativ do të merret me kërcënimet hibride në Maqedoninë e Veriut

Me urdhër të Këshillit koordinues të Shoqërisë së Sigurisë dhe Inteligjencës, pas…