Kancelari gjerman Olaf Scholz ka dënuar sulmin e së mërkurës në një rrugë të frekuentuar të Berlinit që la një person të vdekur dhe 31 të plagosur.

Scholz tha se sulmi, i cili u krye nga një burrë 29-vjeçar, e kishte lënë atë “thellësisht të pikëlluar”.

Kryebashkiakja e Berlinit Franziska Giffey tha për mediat lokale se sulmi ishte “një ditë e zezë në historinë e Berlinit”.

Ajo shtoi se burri, i cili mbetet në paraburgim policor, është “me dëmtim të rëndë mendor”.

Në një deklaratë të shkurtër të lëshuar të enjten, policia tha se beson se sulmi ishte “një akt i qëllimshëm” nga “29-vjeçari i dyshuar si I sëmurë mendorë”. Ai shtoi se ai kishte qenë duke udhëtuar me makinën e motrës së tij.

Mediat lokale kanë raportuar se i dyshuari, i cili është identifikuar si një gjermano-armen i cili jeton në qytet, po bashkëpunon me hetuesit. Megjithatë, Giffey paralajmëroi se ai ka bërë një sërë “deklaratash konfuze”.

Motra e burrit i tha tabloidit gjerman Bild se ai vuan nga “probleme serioze” dhe zyrtari më i lartë i sigurimit të Berlinit, Ministrja e Brendshme Iris Spranger, tha se “provat sugjerojnë se ky është një rast i një personi të sëmurë mendor që është i shqetësuar”.

Spranger tha se në makinën e përdorur gjatë sulmit u gjetën postera “në të cilët ai shprehte pikëpamjet për Turqinë”, por ajo hodhi poshtë një raport të mëparshëm nga Bild se një letër rrëfimi ishte gjetur në makinë. Ajo tha se arsyet e rrëzimit do të hetohen në detaje nga zyrtarët.

Pothuajse të gjithë të plagosurit ishin studentë që ishin në një udhëtim shkollor për të festuar përfundimin e provimeve. Ata kishin udhëtuar nga qyteti i vogël i Bad Arolsen, në rajonin qendror Hesse të Gjermanisë. Asnjëri prej tyre nuk raportohet të jetë në gjendje kritike.

Gruaja që vdiq është identifikuar si mësuesja e shkollës së tyre. Një tjetër mësues mbetet në gjendje kritike për jetën dhe mësohet se po lufton për jetën.

Një administrator i qarkut në Hesse, Jurgen van der Horst, tha për Bild se “të gjithë në Bad Arolsen janë prekur” nga tragjedia.

“Është një shkollë e madhe në një qytet të vogël,” tha zoti van der Horst. “Të gjithë i njohin të gjithë këtu dhe kanë kontakte me familjet e prekura”, raporton BBC.

Dëshmitarët përshkruan se kishin parë një Renault Clio argjendi duke u futur në një turmë njerëzish në trotuar pranë rrugës tregtare të ngarkuar Kurfürstendamm të Berlinit, përpara se të kthehej në rrugë dhe të përplasej nga një vitrinë rreth orës 10:30 me kohën lokale (08:30 GMT) më e mërkurë.

Një dëshmitar i cili do të quhej vetëm si F Kacan tha se shoferi kishte braktisur makinën dhe filloi të ikte, por “ne mundëm ta ndalonim”, raporton agjencia e lajmeve AFP.

Burri nuk ishte i njohur për shërbimet e sigurisë, por ishte ndaluar nga policia për shkelje pronësore, raportoi Bild.

Leave a Reply

Your email address will not be published.

You May Also Like

Ndërroi jetë ish ushtari i UÇK-së nga Sllupçani

Ka ndërruar jetë Ragmi Ajvazi, veteran i UÇKsë nga Sllupçani, ushtar i…

Dhurata Hoxha dhe të tjerët sot dalin para gjykatës për korrupsion

Sot është caktuar të mbahet shqyrtimi fillestar ndaj ish-ministres së Integrimeve Evropiane,…

Pas vizitës në Iowa, Kurti: Shembulli i bashkëpunimit ushtarak të vazhdohet në fushën civile

Kryeministri i Kosovës, Albin Kurti, pas vizitës zyrtare që ka zhvilluar në…

Sot protesta në Kumanovë “Drejtësi për Almirin”

Për sot janë paralajmëruar protesta kundër vendimit të Gjykatës Themelore të Kumanovës,…

USAID lavdëron Kosovën, Gërvalla: Pasojë e zgjedhjeve

Ministrja e Punëve të Jashtme dhe Diasporës, Donika Gërvalla, është krenuar me…