I dërguari special i Gjermanisë për Ballkanin Perëndimor, Manuel Sarrazin, tha se qëndrimi i Berlinit është se Serbia nuk mund të bëhet anëtare e Bashkimit Evropian pa e njohur Kosovën.

Sarrazin për edicionin e sotëm të gazetës serbe “Nova” ka thënë se hyrja e Serbisë në familjen e vendeve evropiane “nuk është e mundur as pa media të lira dhe demokraci”.

“Ne nga Gjermania gjithmonë kemi pasur një qëndrim shumë të qartë për këtë çështje – deri në fund të procesit të normalizimit të marrëdhënieve, kur Serbia të vendosë për anëtarësim në BE, njohja e Kosovës do të jetë pjesë e procesit”, tha Sarrazin.

Ai vuri në dukje se kjo është diçka “që Gjermania me siguri e pret” dhe se kjo “u tha qartë kur kancelari Olaf Scholz vizitoi Serbinë në qershor të vitit të kaluar”.

Ai theksoi se “BE-ja është shefi i negociatave ndërmjet Beogradit dhe Prishtinës dhe se është e nevojshme të arrihet një marrëveshje në mes të dy palëve sa më shpejt të jetë e mundur, si dhe se është e rëndësishme që përfaqësuesit e serbëve të kthehen në institucionet e Kosovës sa më shpejt të jetë e mundur”.

Sarrazin është i dërguari i parë gjerman për Ballkanin Perëndimor, sepse ky pozicion nuk ekzistonte në qeveritë e mëparshme gjermane.

Ndërkaq, të premten, më 20 janar, përfaqësuesi special i Bashkimit Evropian (BE) për dialogun ndërmjet Kosovës dhe Serbisë, Mirolsav Lajçak, do të udhëheqë grupin evropiano-amerikan të diplomatëve në Prishtinë dhe Beograd, ka konfirmuar dje zëdhënësi i BE-së, Peter Stano.

Delegacioni do të përfshijë të dërguarin amerikan për Ballkanin Perëndimor, Gabriel Escobar, këshilltarë të kancelares gjermane dhe presidentit francez dhe një këshilltar të kryeministrit italian.

Qëllimi i vizitës, sipas burimeve evropiane, siç shkruan REL, është përgatitja për mbajtjen e raundit të ardhshëm të dialogut në nivelin më të lartë politik në Bruksel.

Për momentin, nuk ka asnjë konfirmim se kur një raund i ri i bisedimeve të liderëve mund të zhvillohet përsëri.

Presidenti i Serbisë Aleksandar Vuçiq dhe kryeministri i Kosovës Albin Kurti u takuan për herë të fundit në Bruksel më 21 nëntor. Takimi u cilësua i pasuksesshëm dhe përgjegjësia për të nga shefi i diplomacisë evropiane, Josep Borrell, ia kaloi kreut të qeverisë së Kosovës.

Leave a Reply

Your email address will not be published. Required fields are marked *

You May Also Like

Kosova dhe Serbia pritet të rifillojnë bisedimet gjatë muajit gusht

Bashkimi Evropian ka ftuar kryeministrin e Kosovës Albin Kurti dhe presidentin e…

Çair, përleshje me armë mes dy eprorëve të policisë

Në objektin hotilerik “Galaksia” në Cari ka pasur një përleshje ku janë…

Si e kishte dënuar Këshilli i Sigurimit i OKB-së, Masakrën në Reçak

Këshilli i Sigurimit i OKB-së kishte dënuar ashpër Masakrën e Reçakut në…

Fundi i Perandorisë Ruse? Me luftën në Ukrainë, në lojë është shumë më tepër sesa karriera e Putinit

Nga Walter Russell Mead “Wall Street Journal” Ndërsa Rusia dhe Ukraina po…

Pastrimi i parave, Shqipëria në “listën gri”

Shqipëria u përfshi në listën e vendeve nën monitorim të shtuar, ose…