Rusia mund të jetë vatra tjetër e nxehtë e koronavirusit. Shifrat e 24 orëve të fundit flasin për mbi 2100 të infektuar të rinj, që e çojnë totalin e tyre pranë 16 mijëshit.

Që prej nisjes së pandemisë, ky vend nuk ka pasur kurrë një numër kaq të madh të infektuarish brenda një dite. Shifra është dy herë më e lartë se e 24 orëshit të kaluar.

Në Moskë, Shën Petërburg dhe qytete të tjera të mëdha ndalohet dalja nga shtëpitë dhe banorët duhet të marrin leje elektronike për të dalë.

Si kontinent, Europa ka numrin absolut më të lartë të viktimave që kapërcyen këtë të dielë 75 mijëshin. 80% e viktimave janë shënuar në 4 vende Itali, Spanjë, Francë dhe Britani të Madhe. Ndërsa numri i të prekurve ndodhet pranë 1 milionëshit.

Në një intervistë për të numrin e të dielës së gazetës gjermane Bild, presidentja e Komisionit Europian, Ursula fon der Leyen tha se të moshuarit dhe personat që vuajnë nga sëmundje të ndryshme do të duhet ndoshta të qëndrojnë të izoluar deri vitin e ardhshëm. Ndërsa u bëri thirrje shtetasve nga vendet europiane, të mos bëjnë plane për pushime këtë verë.

Spanja shënoi këtë të dielë një rritje të lehtë të numrit ditor të vdekjeve, 619 të tillë, duke i dhënë fund rënies së qëndrueshme të ditëve të fundit. Por edhe pse kanë nivelin më të lartë të përhapjes në Europë, si Spanja ashtu edhe Italia thonë se e kanë vënë situatën nën kontroll.

Shifrën më të lartë të të vdekurve aktualisht e kanë Shtetet e Bashkuara, që pasi kapërcyen Italinë renditën në vendin e parë në botë me mbi 20 mijë viktima e më shumë se 500 mijë të prekur.

Pas stabilizimit të situatës në gjithë Kinën, në Pekin pritet të hapen disa shkolla, por problem përbëjnë rastet e të infektuarve të ardhur nga jashtë. Globi aktualisht numëron afro 1.8 milionë të prekur dhe rreth 110 mijë viktima.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…