Republika Çeke akuzon diplomatët rusë për shpërthimin e vitit 2014

Rusia ju përgjigj vendimit të Republikës Çeke për dëbimin e 18 diplomatëve rusë dhe njoftoi dëbimin e 20 diplomatë të Republikës Çeke nga vendi.

Praga pretendon se diplomatët janë operativë të zbulimit rus. Ata dyshohen si të përfshirë në shpërthimin e një depoje armësh në vitin 2014.

Hetimet e thelluara të autoriteteve çeke zbuluan përfshirjen në shpërthim të ‘Njësisë 29155’ të inteligjencës ushtarake ruse GRU.

Policia Çeke identifikoi dy të dyshuar në lidhje me shpërthimin, Alexander Mishkin dhe Anatoly Chepigov, të cilët akuzohen gjithashtu si të përfshirë në helmimin e ish-agjentit të dyfishtë rus Sergei Skripal dhe vajzës së tij Yulia.

Ata përputhën imazhet e të dyshuarve për shpërthimin me dy të akuzuarit nga Britania për helmimin në Salisbury. Nxitja erdhi nga fotot e pasaportave që i ishin dërguar me emailImex Group, kompanisë që operonte depon e armatimeve.

Email-i pretendonte se ata vinin nga Garda Kombëtare e Taxhikistanit. Dy agjentët u prezantuan me emrat e rremë Ruslan Tabarov nga Taxhikistani dhe Nicolaj Popa, nga Moldavia.

Moska u ka dhënë diplomatëve çekë një ditë për t’u larguar ndërsa Republika Çeke u dha rusëve 72 orë. Ministria e Jashtme ruse e quajti vendimin çek “të pashembullt” dhe një “akt armiqësor”.

Ministrat e Jashtëm të Bashkimit Evropian do të mblidhen me urgjencë për të diskutuar pretendimet e Pagës që kanë lidhje me shpërthimin.

Leave a Reply

Your email address will not be published.

You May Also Like

Skandaloze: BFI-së vitin e kaluar i mbetën 100 lopë kurban pa therë, sa besimtarë mbetën pa kurban

Vitin e kaluar  rreth 100 kurbanë nuk janë therur nga ana e…

Micotakisi përsëri u angazhua për negociata të BE-së me Maqedoninë e Veriut dhe Shqipërinë

Kryeministri grek Kirjakos Micotakis kërkoi që BE-ja të hapë negociata për anëtarësim…

Biden: Kosova është në zemrat e familjes sime

Presidenti i SHBA-së, Joe Biden, ka thënë se familja e tij ndihet…

Navalny dënohet me nëntë vjet burgim

Udhëheqësi i opozitës ruse, Aleksei Navalny, u dënua me nëntë vjet burgim,…

Arrestohen katër persona në Gostivar, vodhën makinën e një tetovari

Katër personat e dyshuar për vjedhjen e një veture të 43 vjeçarit…