Presidentja e Republikës së Kosovës Vjosa Osmani gjatë ditës së sotme ka zhvilluar një takim me ambasadorin Philip Reeker, i cili ushtron detyrën e ndihmës Sekretarit të Shtetit të SHBA-ve për Çështje Evropiane dhe Euroaziatike, gjatë të cilit takim është folur edhe për dialogun Kosovë-Serbi.

Kështu është bërë e ditur përmes një komunikate për medie, nga Zyra e Presidentes ku thuhet se Reeker ka theksuar se inkurajojnë palët që të angazhohen për të arritur marrëveshje.

“Ambasadori Reeker theksoi se SHBA-të inkurajojnë palët që të angazhohen në mënyrë konstruktive drejt arritjes së marrëveshjes ligjërisht të obligueshme, e cila do të rezultonte në njohjen e ndërsjellë mes Kosovës dhe Serbisë”, thuhet në njoftim.

Presidentja Osmani në lidhje me këtë potencoi rëndësinë e përmirësimit cilësor të procesit të dialogut që bazohet në paprekshmërinë e territorit të Kosovës dhe karakterin unitar të shtetit e që i kontribuon paqes dhe prosperitetit në rajon.

Ajo theksoi se për Kosovën, ndriçimi i fatit të të pagjeturve mbetet prioritet të cilin institucionet synojnë ta shtyjnë përpara dhe për këtë kërkoi përkrahjen e SHBA-ve.

Po ashtu, Reeker gjatë takimit rikonfirmoi interesimin e Presidentit amerikan Josepf Biden për të mbështetur Kosovën drejt zhvillimit.

“Ambasadori Reeker rikonfirmoi interesimin e Presidentit Biden për të mbështetur Kosovën drejt zhvillimit dhe zbatimit të reformave të nevojshme. Po ashtu, ambasadori Reeker potencoi angazhimin e SHBA-ve për të mbështetur shtetet e Ballkanit Perëndimor drejt anëtarësimit në Bashkimin Evropian”, thuhet tutje në komunikatë.

Në këtë takim, Osmani nënvizoi se partneriteti me SHBA-të është jetik për realizimin e prioriteteve të institucioneve të Kosovës në sigurimin e vaksinës kundër COVID-19 për qytetarët e Kosovës, si dhe zbatimin e reformave te brendshme që do të shtonin punësimin dhe do të luftonin në mënyrë efikase korrupsionin. 

Leave a Reply

Your email address will not be published.

You May Also Like

Remenski: Nuk ndihem fajtore

Deputetja Frosina Remenski tha se nuk ndjehet fajtore për pretendimet nga hetimi…

Osmani: SHBA i ka kërkuar Kosovës strehimin e përkohshëm të afganëve

Presidentja e Kosovës Vjosa Osmani, e ka konfirmuar kërkesën e Shteteve të…

Pentagoni nis kërkimet për kurën e koronavirusit

Kërkimet në laboratorët e specializuar të ushtrisë amerikane Teksa koronavirusi po përhapet…

Ish-kryeministri francez, 90-vjeçar, gjykohet për korrupsion

Ish-kryeministri francez Edouard Balladur, tashmë në moshën 90-vjeçare, do të gjykohet për…

Agim Ismailoviq: Do të qëndroj deri në fund këtu, nuk jam as Gruevski as Mijallkov që të arratisem

Agim Ismailoviq në fjalën e tij pas shqiptimit të vendimit tha se…