Presidenti i Bullgarisë, Rumen Radev në takim me homologun e tij austriak, Alexander Van der Belen tha se vendi i tij është mbështetësi më i madh i zgjerimit të BE-së, por nuk mund të lejojë shkeljen e të drejtave të qytetarëve të Maqedonisë së Veriut me përkatësi etnike bullgare.

Politika e zgjerimit të Bashkimit Evropian drejt Ballkanit Perëndimor ishte ndër temat që biseduan dy presidentët e Bullgarisë dhe Austrisë. Në takim është theksuar se integrimi evropian i vendeve të rajonit është në interes të stabilitetit dhe zhvillimit ekonomik në Evropë.

Radev ka theksuar se Bullgaria në parim mbështet perspektivën evropian të rajonit dhe se nuk duhet të kufizohet te fazat formale në procesin e aderimit dhe kjo nuk duhet të dëmtojë interesat e vendeve anëtare të BE-së.

Në lidhje me përparimin e integrimit evropian të Maqedonisë së Veriut, Radev tha se pret vullnet të qartë politik nga Maqedonia e Veriut për të zbatuar Marrëveshjen për fqinjësi të mirë.

“Edhe pse në Shkup deklarojnë se i përmbushin kriteret për anëtarësim, ne jemi dëshmitarë se ka shkelje sistematike të të drejtave të qytetarëve me përkatësi etnike bullgare në Maqedoninë e veriut dhe diskriminimit ndaj tyre. Ende ka gjuhë të urrejtjes ndaj Bullgarisë në libra dhe në opinion. Përparimi dhe zgjidhja e këtyre çështjeve varren nga politikat e RMV-së”, tha Radev.

Sipas tij, Bullgaria vazhdimisht është e gatshme për dialog të hapur dhe konstruktiv dhe se kjo është mënyra e krijimit të klimës së besimit dhe të arrihen rezultate konkrete.

Leave a Reply

Your email address will not be published. Required fields are marked *

You May Also Like

“Mosparaqitja e Ahmetit dhe Grubit si dëshmitarë, vulosi dënimet e përjetshme për herë të dytë”

Gjykata e Apelit në Shkup sot ka konfirmuar vendimin e Gjykatës Themelore…

Bugajski: Nëse rishikohen territoret në Kosovë, shqiptarët e Maqedonisë mund të kërkojnë bashkim me Shqipërinë

Ndërsa pandemia e koronavirusit shqetëson Uashingtonin, administrata e Trump pa dashje po…

Kurti i publikon me emra e foto: Vrasja e Aganit u urdhërua nga këta dy persona

Faton Kurti, kryetar i Republikanëve të Kosovës, ka thënë se vrasja e…

Hallaçi: Kërkoj zbardhjen e rastit të Kumanovës

Ju bejë Apel te gjithë Shqiptarve mbarë kombëtarë për hirë se vertetës…

Avokatja e Grupit të Kumanovës: Qeveria e Albin Kurtit do t’i lirojë djemtë tanë!

Kërkesa për hetim ndërkombëtar të rastit të Lagjes së Trimave të Kumanovës…