Presidenti Rumen Radev tha të enjten se një sulm kundër një klubi kulturor bullgar në Ohër të Maqedonisë së Veriut, një ditë më parë ishte “një akt i papranueshëm agresioni që është frymëzuar për dekada kundër bullgarëve”.

Rruga e Shkupit drejt pranimit në BE kalon përmes njohjes dhe respektimit të të drejtave të bullgarëve, shtoi ai.

Sulmi, i treti që nga hapja e klubit në tetor dhe i dyti në katër ditët e fundit, ndodhi të mërkurën në mbrëmje kur një sulmues i panjohur qëlloi me armë zjarri në klub, duke lënë dy vrima në dritaren e klubit. Ministritë e Jashtme në Sofje dhe në Shkup e dënuan sulmin.

Presidenti bullgar tha se lidershipi shtetëror dhe populli në Republikën e Maqedonisë së Veriut “duhet të kuptojnë se rruga drejt BE-së kalon përmes njohjes dhe respektimit të të drejtave të bullgarëve maqedonas, të trashëgimisë sonë kulturore dhe historike”.

“Kur ishim nën presion të jashtëzakonshëm për t’i lejuar Republikës së Maqedonisë së Veriut fillimin e pakushtëzuar të bisedimeve për anëtarësim në BE, unë vendosa dy herë veton dhe ngrita çështjen e të drejtave të bullgarëve të Maqedonisë me aleatët dhe partnerët tanë në BE. Së pari, të drejtat e tyre duhet të garantohen duke i shtuar ato në Kushtetutën e vendit dhe më pas të hapet rruga për negociata”, tha Radev.

Ndërkohë, Ministria e Jashtme në Sofje dënoi të enjten sulmin e fundit kundër klubit të kulturës bullgare të Mbretit Boris III në Ohër. Një notë proteste iu dorëzua ambasadores së Maqedonisë së Veriut në Sofje, Agneza Rusi Popovska, më vonë gjatë ditës.

Ministria e Jashtme në Shkup e dënoi sulmin, duke thënë se akte të tilla vandalizmi rrezikojnë jetët e njerëzve dhe se janë kundër aspiratave integruese të vendit në BE.

Ministria e Jashtme në Sofje nuk pranoi përshkrimin e sulmit si një akt vandalizmi dhe tha se ishte “një akt i rëndë kriminal”.

Leave a Reply

Your email address will not be published. Required fields are marked *

You May Also Like

Gazetarja e televizionit shtetëror rus “deklaron se Lufta e Tretë Botërore ka nisur” pas fundosjes së anijes Moskva të Rusisë

Një gazetare e televizionit shtetëror rus thotë se Lufta e Tretë Botërore…

Banka Botërore: Lufta në Ukrainë mund të shkaktojë recesion global

Shefi i Bankës Botërore: E vështirë të gjenden mënyra për të shmangur…

Kontrabandë me mjaltë, djathë e dru

Departamenti i Policisë Kufitare të Policisë së Kosovës raporton për disa raste…

VIDEO / Jep dorëheqje një funksionar i BDI-së në qeveri

Zëvendës ministri i shëndetësisë nga radhët e BDI-së, Asim Musa,  para ca…

OKB – Dhuna e forcave izraelite ndaj palestinezëve duhet të hetohet menjëherë

Kombet e Bashkuara (OKB) deklaruan se aktet e dhunës së policisë izraelite…