Kryetari i Listës Serbe Goran Rakiq, ka deklaruar sot se kryeministri i Kosovës Albin Kurti, po planifikon dërgimin në veri të njësive elitare policore (ROSU).

Por, kjo u mohua kategorikisht nga zëdhënësi i Qeverisë së Kosovës Përparim Kryeziu.

Kryeziu tha për Klankosova.tv deklarimet e tilla të Rakiq e kanë qëllim arsyetimin e mirëmbajtjen e barrikadave në ato zona.

Ai theksoi se barrikadat në veri duhet të hiqen.

Zëdhënësi i ekzekutivit  iu bëri thirrje qytetarëve që të mos bien pre e dezinformimit.

“Absolutisht e pavërtetë. Shpikje të tilla, si kjo e Rakiq sot, qëllim kanë arsyetimin dhe mirëmbajtjen e barrikadave në veri të vendit, e të cilat duhet të largohen menjëherë. Ftojmë qytetarët tanë në veri të ndjekin njoftimet dhe t’i besojnë institucioneve tona dhe mos të bien pre e dezinformimit të grupeve kriminale që synim kanë ta mbrojnë vetëm veten. Policia e Kosovës është aty për sigurinë e të gjithë qytetarëve”, tha Kryeziu.

Më herët lidhur me zhvillimet në veriun e Kosovës kanë reaguar Ambasadat e Shteteve të Bashkuara të Amerikës dhe Britanisë së Madhe, në Prishtinë e Beograd.

Në reagimin e tyre bëhet thirrje që të hiqen menjëherë barrikadat e vendosura në rrugët që çojnë tek pikat kufitare në Bërnjak dhe Jarinje.

Tutje, në reagim u tha se arrestimi i të dyshuarit për sulm ndaj institucioneve të sigurisë po përdoren si pretekst për pengesat e vendosura.

Reagim lidhur me rastin ka pasur edhe nga Gjermania.

Ministrja e Jashtme e Gjermanisë, Annalena Baerbock, ka reaguar pas situatës së krijuar në veriun e Kosovës.

Baerbock se Kosova i uli tensionet duke i shtyrë zgjedhjet lokale, ndërsa shtoi se retorika nga Serbia po e bën të kundërtën/ Klankosova.tv

Leave a Reply

Your email address will not be published. Required fields are marked *

You May Also Like

Lajçak për Asociacionin: Kosova është zotuar – ajo që është pajtuar duhet të zbatohet

I Dërguari i Posaçëm i BE-së për dialogun, Miroslav Lajçak, ka thënë…

Nishani: Rama dhe Basha punojnë që shqiptarët të trajtohen si qytetarë të klasit të dytë

Ish-presidenti shqiptar Bujar Nishani përsëriti sërish qëndrimin e tij se ka një…

Bejta: Në Gostivar më mposhtën funksionarët e BDI-së

Në emisionin Klan Debat, Nevzat Bejta për së pari herë ka treguar…

OBSH: Virusi ende paraqet një rrezik të lartë deri në krijimin e vaksinës

Pjesë të botës kanë filluar të dalin nga pandemia e Covid-19 dhe…

Rikthehet ndotja e ajrit në Maqedoninë e Veriut

Në Maqedoninë e Veriut është rikthyer ndotja e ajrit në shifra alarmante,…