Ndërsa lufta në Ukrainë po vazhdon, zëvendësmarshalli britanik i forcave ajrore, Sean Bell ka analizuar zhvillimet e fundit në terren.

Ai tha se sulmet në Kiev gjatë natës së kaluar nga forcat e Kremlinit ishin me shumë gjasa një formë “hakmarrjeje” për humbjen e anijes luftarake ruse, Moskva dhe “guximit të ukrainasve për të sulmuar caqet e largëta të Rusisë”.

“Duket se është shënjestrim strategjik. Ka objektiva specifike në të gjithë Ukrainën që merren me prodhimin e raketave ose të aeroplanëve”, tha ai.

“Ato objektiva ka gjasa që i dinin rusët, por pse ata do të zgjidhnin tani t’i shënjestrojnë? Kjo ndihet më shumë si një reagim për guximin e forcave ukrainase”, pohoi marshalli, raporton skynews.

Duke folur për zjarrin në bordin e flotës së Detit të Zi, Bell tha se rusët dijnë të kamuflojnë dështimet përmes propagandës.

“Rusët i janë përmbajtur historisë së tyre dhe pretendojnë se ka humbur nga një zjarr. Kam shërbyer në disa detashmente transportuese dhe rreziku nga zjarri është një nga gjërat më të rëndësishme për të cilat ekuipazhet stërviten çdo ditë. Të kesh një zjarr kaq të rëndë sa të shkaktojë fundosjen e anijes është e pazakontë, veçanërisht tani”, tha ai.

Së fundi, Rusia ka publikuar pamjet e para të marinsave të luftanijes së mbytur Moskva, të cilët aktualisht gjenden në Sevastopol.

Ndërkohë, autoritetet ruse kanë deklaruar se kanë vrarë edhe kapitenin rus të luftanijes, të cilën gjë po e mohon Kremlini.

Ndryshe, Rusia ka vazhduar edhe sot me bombardime duke shkaktuar viktima dhe dëme materiale.

Leave a Reply

Your email address will not be published. Required fields are marked *

You May Also Like

Vuçiqi tha se shifrat e regjistrimit të shqiptarëve janë të fryra, Kurti ka një kërkesë për ndërkombëtarët

Kryeministri i Kosovës, Albin Kurti, ka kërkuar monitorimin e përpunimit të të…

Anulohet seanca për gjykimin e El Chekës, protesta dhe revoltë para gjykatës së Kërçovës

Sapo ka filluar, është mbyllur seanca per gjykimin e Sheqerim Ahmetit i…

Filip­çe: Fotografitë nga festimi i djeshëm i Bajramit janë shqetësuese

Ministri i Shëndetësisë, Venko Filipçe, theksoi se fotot që u shfaqën dje…

Varheji u takua me ministri bullgar: Ministri Santos përmendi shumë vendime që duhet të miratohen

Ministri portugez, Augusto Santos Silva dhe eurokomisari Oliver Varheji tanimë kanë realizuar…

Kosova pjesë e stërvitjeve të NATO-s

Kosova do të jetë pjesë e 26 shteteve në njërin prej ushtrimeve…