Ndërsa po rritet presioni mbi Gjermaninë për të dërguar tanke Leopard 2 në Ukrainë, vendi duket se ngurron ta bëjë një gjë të tillë së paku deri më tani.

Polonia ka ofruar “Leopard 2” e saj për forcat ukrainase, por duhet një nënshkrim nga Berlini, i cili ka të drejtën e licencës së eksportit.

Raportet kanë sugjeruar se gjermanët do të pranonin të dërgonin tanket e tyre nëse edhe SHBA-ja do të bënte një gjë të tillë me tanket Abrams, raporton skynews.

Megjithatë, amerikanët argumentojnë se Abrams është një makinë më komplekse – që kërkon më shumë kohë për trajnimin e ushtarëve ukrainas.

Thomas Jaeger, një analist politik në Universitetin e Kolnit, tha për Los Angeles Times se “Scholz dhe partia e tij ende besojnë në sloganin e vjetër të Luftës së Ftohtë “Waffen bringen kein Frieden” (Armët nuk sjellin paqe), pra dërgimi i armëve ka qenë mallkim dhe ende është për ta”.

Që nga pushtimi i Rusisë, Gjermania është përpjekur të shmangë konfrontimin me Moskën. Berlini ka argumentuar gjithashtu se dërgimi i tankeve të epokës sovjetike do të ishte më efektiv pasi ukrainasit tashmë janë të trajnuar për to.

Disa kanë thënë se Gjermania ka frikë nga zgjatja e luftës, por të tjerë thonë se ky shqetësim është i gabuar me Rusinë tashmë plotësisht të angazhuar në luftë.

Dhe javën e kaluar, Marie-Agnes Strack-Zimmermann, nga Partia Demokratike e Lirë (FDP) e Gjermanisë, tha se Partia Social Demokrate e Scholzit e ka keqkuptuar kuptimin e pacifizmit.

Ndryshe, Gjermania është një ndër shtetet kryesore që po e ndihmojnë ushtarakisht Ukrainën në luftën kundër pushtuesit rus, i cili ka filluar më 24 shkurt. 

Leave a Reply

Your email address will not be published. Required fields are marked *

You May Also Like

80,000 ukrainas u kthyen në Ukrainë nga 24 shkurti, shumica për të luftuar

80,000 ukrainas janë kthyer në vend nga jashtë që kur Rusia filloi…

Ruzhin: Me propozimin francez ruhet gjuha maqedonase

Ish-ambasadori Nano Ruzhin në emisionin “Click Plus” në TV21 ka theksuar se…

Sveçla: I kemi të gjitha kapacitetet për t’i larguar barrikadat

Ministri i Punëve të Brendshme, Xhelal Sveçla, ka thënë se institucionet e…

Hapet dosja, Sigurimi i Shtetit shqiptar ka përgjuar Ibrahim Rugovën në Kosovë dhe kur ka vizituar Tiranën

Gazetari shqiptar dhe autori i emisionit “Opinion”, Blendi Fevziu, ka publikuar një…

Kryebashkiaku i Buchës: Nuk do ta falim Rusinë për mizoritë që ndodhën këtu

Pas vrasjeve të civilëve nga forcat ruse dhe shfaqejeve të tyre nëpër…