Majat e alpeve në Europë këtë vit nuk kanë pasur reshje të mjaftueshme borë. Shumë resorte turistike vuajnë pasojat e mungesës së borës. Nga më shumë se tre muaj sezon dimëror, këtë vit një pjesë e tyre u hapën vetëm për pak ditë.

Në alpet e Italisë dhe Francës reshjet e këtij viti kanë qenë ndër më të ulëtat të regjistruara. Meteorologët thonë se reshjet në Francë, Zvicër, Itali dhe disa pjesë të Austrisë janë më të ulëta se mesatarja vjetore.

Organizatat e Mjedisit në Itali thonë se gjatë muajit shkurt, në alpe ra më pak se 53 për qind e borës që bie çdo vit.

Sipas ambientalistëve, problemi nuk qëndron vetëm te mungesa e borës, por edhe te mungesa e shiut. Së fundi është raportuar se kanalet më të famshme në Venecias janë tharë dhe se i gjithë veriu i Italisë është duke u përballur me probleme të lidhura me motin.

Kjo situatë në dimër paralajmëron një verë të thatë dhe probleme që do të vijnë si mungesë e ujit në gjithë kontinentin europian.

Ekspertët mendojnë se këto temperatura janë pasojë e ngrohjes globale dhe do të sjellin vështirësi të mëdha gjatë muajve të verës.

Nëse reshjet e shiut do të mungojnë dhe gjatë muajve të pranverës, Vera parashikohet me probleme të mëdha.

Kjo mungesë uji pritet të sjellë probleme zinxhir në ekonominë e  vendeve. Më të prekurit do të jenë fermerët dhe plantacionet masive në Europë, të cilat sigurojnë sasi të madhe të furnizimit me ushqime./euronews.al/

Leave a Reply

Your email address will not be published. Required fields are marked *

You May Also Like

Ish-zyrtari i lartë amerikan John Bolton, pranon se kishte planifikuar tentim puçet në shtetet tjera

John Bolton, ish-ambasador i Shteteve të Bashkuara në Kombet e Bashkuara dhe…

Bisedimet, Ukrainë-Rusi arrijnë dakordësi për evakuimin e civilëve

Ukraina thotë se kanë arritur dakordësi me palën ruse për të evakuuar…

Lajçak: Pres që Kosova dhe Serbia të hënën ta pranojnë Planin Evropian

I dërguari special i Bashkimit Evropian për dialogun Beograd-Prishtinë, Miroslav Lajçak ka…

Zhduket një kosovar në Rumani pasi përfundon burgimin atje

Një kosovar është zhdukur në Rumani pas përfundimit të burgimit atje. Sipas…

Berisha: Financimet ruse, Basha më mashtroi

Është përgjegjesi e tij dhe jo e Partisë Demokratike Duke distancuar veten…