Presidenti i Kroacisë, Zoran Milanoviq, ka thënë se shtimin e forcave ushtarake kroate në Kosovë nuk e shohin si provokim ndaj Serbisë.

Duke komentuar deklaratën e presidentit të Serbisë, Aleksandar Vuçiq se Kroacia po “poshtëronte Serbinë” duke rritur numrin e ushtarëve në kuadër të KFOR-it, presidenti kroat tha se nëse do ta dinte se Serbia shqetësohej aq shumë, do të kishte biseduar me homologun serb, raporton hrt.

Ditë më parë, ministri i Jashtëm kroat, Gordan Grliq Radman, paralajmëroi ngritjen e një kampi ushtarak në Kosovë për “stabilitet të rajonit”. Kjo nuk u prit mirë në Serbi, që e cilësoi provokim nga ana e Kroacisë.

“Ushtarët kroatë janë kryesisht atje për të mbrojtur Kroacinë, dhe format e tjera të bashkëpunimit janë të dëshirueshme. Kosova është njohur nga i gjithë Bashkimi Evropian, përveç pesë vendeve, kështu që kjo është një marrëveshje e kryer, nuk është një provokim për Serbinë”, tha fillimisht presidenti kroat.

Ai më tutje deklaroi se çështja e pavarësisë së Kosovës ka çuar në luftëra dhe se kjo po bëhet për konsum të brendshëm në Serbi

“Ata nuk dinë si të dalin nga kurthi ku e kanë futur veten 30 vjet më parë. Çështja e pavarësisë së Kosovës ka çuar në luftëra. Vazhdimisht po manipulojnë me këtë. Është një mënyrë që përdoret për të mbajtur në tension votuesit e tyre”, tha ndër të tjera i pari i shtetit të Kroacisë. /Telegrafi/

Leave a Reply

Your email address will not be published. Required fields are marked *

You May Also Like

Romancierja që shkroi “Si të vrasësh bashkëshortin tënd”, po gjykohet për vrasjen e të shoqit

Disa vjet pasi romancierja Nancy Crampton Brophy shkroi një ese të quajtur…

Kosovë / 31 të infektuar mr Covid 19

Numri i të infektuarve me koronavirus në Kosovë ka shkuar në 31.…

Borissov: Marrëveshja me Maqedoninë e Veriut është historike, të respektohen detyrimet

Kryeministri bullgar, Boyko Borissov për tre vjetorin e nënshkrimit të Marrëveshjes për…

Zelenski: Duhet kujdes për të mos i treguar taktikat ushtarake Moskës

Presidenti i Ukrainës Volodymyr Zelenskyy tha se ishte mirënjohës ndaj Presidentit amerikan…

Digjet Qendra Kulturore bullgare “Vanço Mijallov” në Manastir

Mëngjesin e sotëm është djegur Qendra Kulturore Bullgare “Vanço Mijallov” në Manastir.…