Peruja ka një presidente femër për herë të parë, pasi ish-presidenti Pedro Castillo u fajësua – disa orë pasi ai u përpoq të shpërndante parlamentin.
Dina Boluarte – më parë nënkryetare – u betua të mërkurën pas një dite dramatike në Lima.
Më herët gjatë ditës, Castillo kishte thënë se po zëvendësonte Kongresin me një “qeveri të jashtëzakonshme emergjente”. Por ligjvënësit e injoruan këtë dhe në një mbledhje urgjente e akuzuan atë. Më pas ai u arrestua dhe u akuzua për rebelim.
Raportimet në mediat lokale thonë se ai po shkonte drejt ambasadës meksikane në kryeqytet kur u arrestua. Zonja Boluarte, një avokate 60-vjeçare, tha se do të qeverisë deri në korrik të vitit 2026, kur do të kishte përfunduar presidenca e Castillos.
Duke folur pas betimit, ajo bëri thirrje për një armëpushim politik për të kapërcyer krizën që ka kapluar vendin.
Zinxhiri dramatik i ngjarjeve të së mërkurës filloi me një fjalim të presidentit Pedro Castillo në televizionin kombëtar në të cilin ai shpalli gjendjen e jashtëzakonshme dhe njoftoi se do të shpërndante Kongresin e kontrolluar nga opozita, një veprim i cili u prit me tronditje si në Peru – ku disa ministra dhanë dorëheqjen në shenjë proteste – dhe jashtë saj.
