Pas arratisjes së Nikolla Gruevskit, policia tani po ndërmerr masa dhe e ndjek ish ministren e Brendshme Gordana Jankullovska, e cila ishte bashkëpunëtorja më e afërt e Nikolla Gruevskit. Policia i kontrollon të gjitha automjetet që kalojnë pranë ndërtesës në të cilën jeton ish ministrja e policisë dhe i kontrollon të gjitha bagazhet e tyre. Patrullat e policisë u angazhuan një ditë pasi që Gjykata Supreme njoftoi se është vërtetuar dënimi i Jankullovskës me burg prej katër viteve për blerjen e Mercedesit luksoz për ish shefin e Qeverisë. Jankullovska përmes Fejsbukut pohon se nuk ka ndërmend të arratiset.

Nuk ka nevojë për spektakle, rrethim të ndërtesës në të cilën jetoj, shqetësim dhe bastisje të fqinjëve. Nëse dikush më kërkon unë jam në shtëpi dhe as që më bie ndërmend të arratisem diku. Asgjë nuk është më e çmueshme sesa secili moment i kaluar me familjen”-shkruan Gordana Jankullovska.

Nga MPB-ja shprehen se janë në pritje të urdhrit nga gjykata.

MPB:

„Jemi duke ndërmarrë masa dhe aktivitete standarde operative policore, ndërsa ende nga gjykata nuk kemi marrë kurrfarë urdhri për shoqërimin e G.J. Kur do të marrim urdhër nga gjykata, do të veprojmë. Për të gjitha informacionet tjera është kompetente gjykata”.

Megjithatë, është e gjatë procedura derisa Jankullovska të gjendet prapa grilave. Për këtë rast me dy vite burg u dënua edhe ish kryeministri Nikolla Gruevski, por ai në vend se të paraqitet në burg, u arratis në Budapest. Kush e ndihmoi gjatë arratisjes ende mbetet e paqartë, ndërsa nga policia në atë kohë deklaronin se Gruevski nuk është ndjekur sepse askush nuk ka dyshuar se ai mund të arratiset. Për këtë rast në burg gjendet vetëm ish ndihmësi i Jankullovskës, Gjoko Popovski i cili u dënua me katër vjet e gjysmë burg./Alsat

Leave a Reply

Your email address will not be published.

You May Also Like

Nesër zgjedhjet në Shqipëri, ambasada e SHBA: Do të jemi në të gjithë vendin duke vëzhguar

Ambasada e SHBA në Tiranë njofton se nesër, në ditën e zgjedhjeve,…

Presidenti Trump: Kim Jong Un kërkon sërish takim

Presidenti i Shteteve të Bashkuara, Donald Trump, tha se lideri i Koresë…

Sela: Politika dështoi, sepse më shumë u kujdes për pasurimin e disa individëve, sesa jetësoi amanetin e UÇK-së

“Sot përkujtojmë 2 Majin, festë e krenarisë kombëtare në kalendarin tonë historik”,…

Qeveria e Maqedonisë shpall thirrje publike për blerje të maskave mbrojtëse

Qeveria sot shpalli thirrje publike për blerje urgjente të maskave mbrojtëse për…

Gjuhet me gurë në drejtim të trenit që po lëvizte në hekurudhën Shkup-Kërçovë

Me 24.03.2019 në ora 18.15 në SPB Tetovë është lajmëruar se në…