Policia gjermane ka bastisur dhjetëra shtëpi në mbarë vendin si pjesë e një fushate të zbatimit të ligjit kundër gjuhës së urrejtjes në internet.

Zyra Federale e Policisë Kriminale tha se bastisjet u zhvilluan të enjten në 13 nga 16 landet e Gjermanisë.

Policia vuri në shënjestër njerëzit e dyshuar për paraqitjen e fyerjeve antisemite, fyerjen ndaj zyrtarëve ose ata që publikisht i kanë ftuar tjerët për të kryer krime.

Policia federale thotë se numri i rasteve që përfshijnë urrejtjen online ra nga 2.270 në vitin 2017 në 1.472 vitin e kaluar, por përpjekje të mëtejshme janë të nevojshme për të trajtuar problemin.

Presidenti gjerman Frank-Walter Steinmeier dënoi të mërkurën komentet që u paraqiten në internet pas vrasjes së një politikani të njohur që kishte folur në favor të migrantëve. Policia ende po heton se kush e vrau gjatë fundjavës Walter Luebcke, një anëtar i partisë së kancelares, Angela Merkel.

Ditë më parë në një intervistë për CNN, kancelarja gjermane, Angela Merkel, tha se “duhet ende punë për t’u bërë” në Gjermani dhe pjesë të tjera të botës për t’u përballur me “forcat e errëta” që po gjejnë mbështetje.

“Në Gjermani, natyrisht, ato gjithmonë duhet të shihen në një kontekst të caktuar, në kontekstin e së kaluarës sonë, që do të thotë se ne duhet të jemi shumë më vigjilent se të tjerët”, tha Merkel.

Leave a Reply

Your email address will not be published.

You May Also Like

Shqetësim në SHBA/ Rënia më e thellë e lindshmërisë në 42 vjet

Një raport i publikuar të mërkurën tregon se niveli i lindjeve në…

Guvernatorët: Urdhërat e Trump për rihapjen e ekonomisë do të injorohen dhe sfidohen në gjykatë

Presidenti Donald Trump po ndeshet me kundërpërgjigje pas komenteve se “autoriteti përfundimtar”…

OBSH kërkon depolitizimin e debatit mbi origjinën e COVID-19

Organizata Botërore e Shëndetësisë njoftoi të premten se është duke krijuar një…

Momente dramatike: Policia thyen xhamin e “Audi”-t luksoz dhe nxjerr zvarrë shoferin

Një skenë tipike për filma është regjistruar në Britani. Pamjet e publikuara…

Rriten shqetësimet rreth sigurisë së Kapitolit

Siguria në godinën e Kongresit të Shteteve të Bashkuara po shqyrtohet sërish…