Kryeministri i Kosovës, Albin Kurti, ka mbajtur takimin e Këshillit të Sigurisë së Kosovës, për të diskutuar rreth gjendjes së sigurisë në vend, takim ky i cili tashmë ka përfunduar.

Zyra e Kryeministrit përmes një komunikate për media ka bërë të ditur se nga 1 gushti hyn në fuqi zbatimi i vendimit për fillimin e konvertimit të targave në ato zyrtare të Republikës së Kosovës.

“Nesër, më 1 gusht 2022, hyn në fuqi zbatimi i vendimit të Qeverisë i datës 29 qershor, për fillimin e konvertimit të targave në ato zyrtare të Republikës së Kosovës, dhe për kalimin kufitar me fletë-deklarime të përkohshme që zëvendësojnë dokumentet e identifikimit personal nga Serbia, sikurse që shtyhet afati për mbulimin e simboleve dhe emërtimeve shtetërore serbe, për automjetet që hyjnë në territorin tonë. Afat ky që shtyhet deri më 31 tetor 2022”, thuhet në komunikatë.

Aty thuhet se institucionet kanë zhvilluar tashmë të gjitha procedurat teknike dhe administrative për zbatimin e këtyre vendimeve.

“Institucionet tona kanë zhvilluar tashmë të gjitha procedurat teknike dhe administrative për zbatimin e këtyre vendimeve, dhe në këtë drejtim i sigurojmë qytetarët tanë që mundësimi i zëvendësimit të targave ilegale, sikurse edhe kalimi i qytetarëve në pikë-kalimet kufitare do të procedohen në mënyrë të shpejtë, pa pengesa dhe në kohë të shpejt reale”.

Leave a Reply

Your email address will not be published.

You May Also Like

BE-ja godet Rusinë me një paketë të katërt sanksionesh

Ministrat evropianë të financave kanë miratuar zyrtarisht një paketë të katërt sanksionesh…

36 raste të reja me Kovid-19, shënohet dhe një viktimë

Gjatë 24 orëve të fundit në gjithë vendin janë shënuar 36 raste…

KFOR-i rihap dy rrugë në veri pasi ishin mbyllur nga Policia për ta penguar kontrabandën

Për tri ditë, KFOR-i në bashkëpunim me Policinë e Kosovës dhe Ministrinë e…

Zyrtarët afganë kundër largimit të trupave amerikane nga Afganistani

Zyrtarët afganë kanë kritikuar ashpër tërheqjen e pakushtëzuar të forcave amerikane nga…

Kurti edhe sot në Zvicër për Forumin Ekonomik Botëror

Kryeministri i Kosovës,  Albin Kurti ka udhëtuar për në Zvicër për të…