Kuvendi as sot nuk arriti ta miratojë propozim-Ligjin për Regjistrimin e Popullsisë. Debati u koncentrua në kërkesat e opozitës që të anulohet regjistrimi për shkak pandemisë. Sipas VMRO-DPMNE-së, regjistrimi mund të shtyhet edhe për një vit.

Është e vërtetë se gati 20 vite nuk kemi regjistrim, por pas 20 viteve mendoj se nuk është problem që të pezullohet për 1 vit me qëllim që qytetarët të mbrohen nga pandemia- deklaroi Zhaklina Peshevska, VMRO-DPMNE.

Partitë shqiptare shkëmbyen akuza rreth kuadrove që do të marrin pjesë në zbatimin e regjistrimit.

Nëse me të vërtetë jeni të shqetësuar nga kapitali njerëzor është mirë që kolegëve të BDI-së t’i tregoni se është koha që njerëzit të kualifikohen nga kapacitetet partiake. Sepse në këtë gjendje kemi ardhur si pasojë e Qeverisjes 18 vjeçare- pohoi Ilire Dauti, ASH.

Kë e vendosët për anëtarë në KSHZ dhe në çfarë lidhje familjare jeni? Eja të mendojmë mirë. Secili nga ne vlen dhe fundja regjistrohu dhe largoni mendimet negative dhe obstruksionet ndaj regjistrimit- tha Arta Bilalli, BDI.

Deputeti Pavle Trajanov, ish ministër i Brendshëm kërkon që Enti i Statistikave të sigurojë edhe të dhënat nga lëvizjet e qytetarëve në pikat kufitare vitin e fundit.

Nëse bëjmë përzgjedhje të atyre që jetojnë këtu dhe atyre që janë jashtë vendit, nuk jam i sigurt se nuk duhet shfrytëzuar edhe të dhënat për hyrjet dhe daljet nga pikat kufitare në vendin tonë nëse duam të kemi të dhëna të sakta- pohoi Pavle Trajanov, LD.

Ministri i Drejtësisë, Bojan Mariçiq theksoi se pas miratimit të ligjit, regjistrimi është i obligueshëm.

Vetëm pengohet zhvillimi i shtetit, ndërsa thirrjet për bojkot janë bizare. I keni ngatërruar zgjedhjet me regjistrimin. Nuk mund të bojkotohet diçka që është e rregulluar me ligj. Pas miratimit të ligjit, regjistrimi bëhet i obligueshëm dhe të gjitha karakteristikat etnike dhe fetare do të përfshihen në të- deklaroi Bojan Mariçiq, Ministër i Drejtësisë.

Në bazë propozim/ligjit regjistrimi i popullsisë duhet të mbahen nga 1-21 prill.

Leave a Reply

Your email address will not be published.

You May Also Like

Qytetarët e BE-së mund të vazhdojnë thirrjet pa roaming edhe për 10 vjet

Komisioni Evropian ka bërë të ditur se thirrjet oa roaming për qytetarët…

Radev: Nevojitet dialog i drejtpërdrejtë dhe i hapur për të arritur përparim real me Maqedoninë e Veriut

Presidenti Rumen Radev dhe Presidenti i Parlamentit Evropian David Sasoli së fundmi…

Zakharieva: Nëse Petkov dëshiron të heqë veton, ndërsa RMV nuk po ndërmerr asnjë masë, presioni normalisht do të rritet

Nëse kryeministri Petkov thotë se do të heqë veton dhe Republika e…

Zelensky: Mbi 200 mijë fëmijë ukrainas janë deportuar në Rusi

Presidenti ukrainas Volodymyr Zelensky, ka akuzuar Rusinë se po ndjekë një “politikë…

Borrell kërkon vazhdim të shpejtë të dialogut Kosovë-Serbi

Përfaqësuesi i lartë i Bashkimit Evropian për Politikë të Jashtme dhe Çështje…